Covanni van Bronxorstun başçılığı altında yeni mövsümə hazırlığını davam etdirən ''Beşiktaş'' bu yayın ilk yoxlama oyununu keçirib.

İstanbul nəhəngi doğma ''Nevzat Dəmir'' bazasındakı stadionda 1-ci liqa təmsilçisi ''Ümraniyəspor''la qarşılaşıb. Qeyd edək ki, ən son 2022/23-də elitada oynamış ''Ümraniyəspor''u ''Fənərbaxça''nın sabiq futbolçusu Tuncay Şanlı çalışdırır. Komandanın idarə heyətinin sədri isə daha bir sabiq ''Fənər''li Nikolya Anelkadı. Görüş qolsuz başa yekunlaşıb. Yəni ''Qartal'' niderlandlı mütəxəssisin başçılığı altında keçirdiyi ilk oyundan qolsuz və qələbəsiz ayrılmış oldu. Onu da bildirək ki, ''ağ-qaralar'' iyulun 11-də Sloveniyanın Maribor şəhərinə yollanacaqlar.

Komanda burda keçirəcəyi toplanış zamanı iyulun 13-də Zaqreb ''Dinamo''su, 17-də ''Şaxtyor'', 20-də QAK ilə qarşılaşacaq.

ƏLİ