“Hava şəraiti də ağır idi. Demək olar ki, Ərzurumda toplanışa hazırlıq kimi keçirdik. Orda da üç yoldaşlıq görüşü keçirəcəyik. Güc toplayıb, çempionata tam hazır olacağıq. Məşqçinin verdiyi tapşırıqları tam yerinə yetiririk. Düzdü, hələ tam komplektləşməmişik.Yeni legionerlər də gələcək. Demək olar ki, komandanın 90 faizi gedib. 5-6 legioner qalıb, iki-üç də azərbaycanlı var. Komanda yenidən yığılıb. Buna görə də zaman lazımdı. Yəqin ki, ən tez zamanda toparlanarıq. Mən Elmar Baxşıyevlə iki mövsüm bir yerdə işləmişəm. Daha əvvəl köməkçi məşqçi işləyəndə də bələd idim. Mənim üçün çətinliyi yoxdu. Hər cəhətdən tanışam. Ötən il "Qəbələ"də yaxşı mövsüm keçirmədik. Sonra "Araz-Naxçıvan"dan təklif gəldi, dəyərləndirdim. Yəni Elmar müəllimin istəyi ilə bura gəlmişəm. Çalışacam ki, burda uğurlu olum. Komandada əksər futbolçuları tanıyırdım. Stadionda da illərdi məşq edirik. Yəni bura öyrəşmişik. Gələcəkdə Naxçıvanda oynasaq, yaxşı olar”.