“Atletiko”nu üç futbolçu tərk edib.

İspaniya klubu hücumçu Memfis Depay, müdafiəçilər Qabriel Paulista və Mario Ermoso ilə yolları ayırıb. Klubun saytının məlumatında oyunçularla müddəti başa çatan müqavilələrin yenilənmədiyi bildirilib.

29 yaşlı Ermoso Madrid klubunda 2019-cu ildən çıxış edirdi. O, ötən müddətdə 174 rəsmi oyun keçirib və 10 qol vurub. 33 yaşlı Paulista “Atletiko”ya qışda icarə əsasında transfer olunmuşdu. O, komanda ilə 5 matçda iştirak edib. 30 yaşlı Depay isə 2023-cü ilin yanvarından madridlilərin oyunçusu idi. O, bu komandada 40 oyun keçirib və 13 qol vurub.