“Florida” tarixində ilk dəfə Stenli kubokunu qazandı
Doğrudan da, bəzi tarixi statistika heç vaxt pozulmur.
“Football-plus.az” xəbər verir ki, məsələn, “Edmonton” “Florida” ilə seriyada inanılmazı bacarıb 0:3-ü 3:3-ə çevirəndə çoxlarına elə gəldi ki, MHL tarixində 2-ci dəfə möhtəşəm geridönüş yaşanacaq. Axı indiyə qədər yalnız bir dəfə - 1942-ci ildə “Toronto” “Detroyt”la seriyada 0:3-ü 4:3-ə çevirərək Stenli kubokunu qazanmağı bacarmışdı. Tarix təkrlarkanmadı. “Florida” seriyanın 7-ci oyununda “Edmonton”u məğlub etməklə 31 illik tarixində ilk dəfə Stenli kubokunu qazandı. Xatırladaq ki, “Panterz” indiyə qədər iki dəfə finala qədər irəliləmişdi: 1996-cı ildə “Kolorado”ya (0:4), 2023-cü ildə ildə isə “Veqas”a (1:4) uduzmuşdu.
“Florida” MHL-də ən çox azarkeş toplayan komandası. Bu komandanın son mövsümdə müntəzəm çempionatda və pley-offda keçirdiyi 54 ev oyununun 1 milyondan artıq tamaşaçı izləyib. Konkret rəqəmlərə gəlincə, pley-offdakı 13 ev oyununda tribunalara 256 min 168 azarkeş toplaşıb. Müntəzəm çempionatın 41 ev oyununu isə 763 min 931 azarkeş izləyib. Bu rəqəmləri üst-üstə gələndə 1 milyon 20 min 99 alınır.
Daha bir maraqlı məqam odu ki, Kanada klubları son 31 ildə Stenli kubokuna həsrət qalıb. Kubok Kanadaya sonuncu dəfə 1994-cü ildə - “Monreal”ın sayəsində yollanıb.
“Florida”nın baş məşqçisi Pol Moris seriyanın 7-ci oyunundakı qələbəni belə şərh etdu:
“Uzun müddət buna can atırdım. Məşqçinin burda rolu yoxdu; bu komanda lap ilk gündən xüsusi idi. Bu işə başlayanda xanımıma demişdim ki, “bunlar xüsusi uşaqlardı”. Stenli kubokunda qələbə ideal, “Florida” üslububda oldu. Üç oyunda uduzmalıydıq ki, qələbə qazanmağı və bunu həlledici oyunda etməyi öyrənək”.
Karyerasında ilk dəfə Stenli kubokunu qazanan Moris MHL tarixinə bu titula 57 və daha artıq yaşda yiyələnən 4-cü məşqçu oldu. “Florida” kimi Moris də 3-cü cəhddə kuboku qazandı. Kanadalı mütəxəssis əvvəllər iki dəfə (“Karolina” ilə 2002-ci, “Florida” ilə 2023-cü ildə) finala qədər irəliləmişdi.
“Edmonton”un kapitanı və hücumçusu Konnor Makdevid də 7-ci oyundakı məğlubiyyətlə bağlı fikirlərini bölüşüb:
“Kubok uğrunda 7-ci oyun... Bu oyunun çox gərgin keçəcəyini bilirdik. Seriyada irəli çıxmağın astanasındaydıq. Ancaq onlar qol vurdular və hesabda önə keçdilər. Ondan sonra işimiz çətinləşdir. Rəqib müdafiə olunmağı və nəticəyə oynamağı yaxşı bacarır. Ardıcıl üç oyunda məğlub olmaq ağırdı. Ancaq belə əla komandaya ardıcıl dörd oyunda qalib gəlmək daha çətindi. Bu hədəfə çox yaxın idik”.
Yeri gəlmişkən, Makdevid pley-offun ən dəyərli oyunçusu sayılıb. Kanadalı 25 oyunda 42 (8+34) xal toplayıb. Forvard karyerasında ilk dəfə “Konn Smayt Trofi” qazanıb.
“Edmonton”un oyunçusu Kori Perro son 5 ildə 4-cü dəfə finalda məğlubiyyətlə barışıb. 39 yaşlı kanadalı buna qədər 2020-də “Dallas”, 2021-də “Monreal”, 2022-də “Tampa-Bey” ilə uduzmuşdu.
25 iyun
Florida – Edmonton 2:1 (1:1, 1:0, 0:0)
Seriyada hesab – 4:3.
Digər xəbərlər
