“İnter Mayami”nin həmsahibi Devid Bekhem Lionel Messini doğum günü münasibəti ilə təbrik edib.

“Football-plus.az” xəbər verir ki, iyunun 24-də argentinalı hücumçunun 37 yaşı tamam olub. Bekhem bu münasibətlə Messiyə Argentinanın “Catena Zapata” brendindən nəhəng şüşə şərab hədiyyə edib. O, sosial şəbəkə hesablarında Messi ilə fotosunu paylaşıb və bu cümlələri yazıb: “Ən böyük futbolçunun doğum günü mübarək olsun. Doğum günün mübarək olsun, dostum”.
Qeyd edək ki, Messi “İnter Mayami”də 2023-cü ilin yayından çıxış edir.