Bekhem ''İnter Mayami'' ilə bağlı yeni hədəfini açıqladı
Devid Bekhem sahibi olduğu ''İnter Mayami'' ilə bağlı növbəti hədəfini açıqlayıb.
"Football-plus.az" xəbər verir ki, o, ''İnter Mayami''nin qadınlardan ibarət komandasını da yaratmaq istədiklərini deyib.
Xatırladaq ki, 2018-ci ildə yaradılan bu komanda bu yay Lionel Messini transfer etməklə diqqətləri üzərinə çəkmişdi. 48 yaşlı Bekhem bunları deyib:
''Mən, eləcə də ''İnter Mayami''nin digər sahibləri Xorxe və Xose Mas hər zaman bu məsələni gündəmdə saxlayırdıq. Tez-tez deyirdik ki, qadınlardan ibarət komanda yaratmaq arzusundayıq. Əslində biz bu məsələni ''İnter Mayami''nin yarandığı ilk gündəcə müzakirə etmişdik. Bu, hərtərəfli yaxşı ideyadı. Üçümüz də bunun tərəfdarıyıq. Mənim qızım var. İstəyirəm ki, gündəlik nə iləsə məşğul olsun və ruhlansın''.
ƏLİ
Digər xəbərlər
