Lionel Messinin “İnter Mayami”də necə mühafizə olunduğuna aydınlıq gəlib.

"Football-plus.az" xəbər verir ki, ABŞ klubu ulduz futbolçusunu qorumaq üçün verdiyi qərarla diqqəti cəlb edib.

“The Sun”ın yaydığı məlumata görə, rəhbərlik argentinalı hücumçunun təhlükəsizliyini təmin etmək üçün mühafizəçi işə götürüb. Yassin Çueko adlı həmin şəxs vaxtilə İraq və Əfqanıstanda xidmət edib, sonra MMA-da özünü sınamış keçmiş Amerika əsgəri olub. Yassin son vaxtlar “İnter Mayami”nin hər oyununda meydanın kənarında görünür. Mühafizəçini kluba “İnter Mayami”nin həmsahiblərindən Devid Bekhem şəxsən özü cəlb edib. O, bu addımı bir ay əvvəl bir azarkeşin meydana qaçaraq Messiyə tərəf getməsindən sonra atmağa məcbur olub. Çueko daim Lioneli izləyir. O, hətta meydanda gəzir, heç bir kənar adamın icazəsiz Messinin yanına qaçmamasına diqqət yetirir.