"Sumqayıt"da şansım olmurdu. Ona görə də qarşılıqlı razılıq əsasında ayrılmalı oldum. Oynaya biləcəyim komanda istəyirəm. Bəzi klublarla danışdıq alınmadı, bəziləri isə hələ ki geridönüş eləməyib. Ola bilər ki, cavab gələr, danışarıq. İndilik real təklifim yoxdu. Amma maraqlanan olub, danışdığım klublar var. Anlaşa bilməmişik, ya da gözləyirəm. Yəni gözləmə mövqeyindəyəm”.

“Kəpəz"lə çox danışıq etmərəm, "gəl" desələr, gedərəm. Gəncə özü mənə çox doğmadı. Komanda da, azarkeşlər də mənə əzizdi. Düzdü, az oynamışdım. Amma orda keçirdiyim bir il beş ilə bərabərdi. Alınsa, yenidən o komanda, o azarkeşlər üçün oynamağa hazıram. Çünki mənə "Xəzər Lənkəran" qədər doğma klubdu. Sadəcə, oynaya biləcəyim klub istəyirəm. Ehtiyatda qalmağa razı deyiləm. Özümə əminəm, inanıram. Yaxın günlərdə hər şey bəlli olacaq”.