Braziliya çempionatında iyunun 11-də və 13-də 8-ci turun oyunları keçirildi.

“Football-plus.az” xəbər verir ki, A seriyasında qeydə alınan nəticələrdən sonra ikihakimiyyətlilik dəyişmədi.

Tura topların daha yaxşı fərqinə əsasən 1-ci yerdə başlayan “Flamenqo” evdə “Qremio”ya qalib gəldi. Rio de Janeyroluların 2:1 hesablı qələbəsində Luiz Arauxo böyük rol oynadı. Meydana 30-cu dəqiqədə çıxan 28 yaşlı hücumçu hər hissədə qapıya yol tapmaqla dubl etdi. Titenin çalışdırdığı “Flamenqo” ardıcıl 3-cü qələbə ilə 1-ci yerdəki mövqeyini qorudu.

“Qrmızı-qaralar” əvvəlki kimi şərikli liderdilər. Onlardan topların daha yaxşı fərqinə əsasən geridə olan “Bayya” da qələbə qazandı. “Fortaleza” ilə ev oyununun nəticəsini Jean Lukasın son dəqiqələrdə vurduğu yeganə qol müəyyən etdi. Rojerio Seninin çalışdırdığı komanda son 5 oyunda 4-cü qələbə ilə (bir oyunu heç-heçə başa vurub) yüksəlişdə olduğunu bir daha göstərdi.

Tura hərəyə 13 xalla 3-5-ci yerləri bölüşməklə başlayan komandalardan ikisi qələbə qazandı. “Botafoqo” evdə “Fluminense”ni minimal hesabla məğlub edərək 3-cü yerdə qaldı. Səfərdə “İnternasyonal” ilə qolsuz “sülh”ə razılaşan “San Paulu” 4-cü yerdən 5-ə düşdü. “Atletiko Paranaense” isə “Krisiuma” üzərində 3:1 hesablı qələbə ilə 5-ci yerdən 4-ə yüksəldi. Mövsümə zəif başlayan son çempion “Palmeyras” evdə “Vasku da Qama”ya qalib gəlməklə (2:0) 7-ci yerdən 6-ya çıxdı.

8-ci tur
Flamenqo - Qremio 2:1
Luiz Arauxo, 42; 67 – Edenilson, 90+6.
Bayya - Fortaleza 1:0
Jean Lukas, 80.
Botafoqo RJ - Fluminense 1:0
Bastos, 66.
İnternasyonal - San Paulu 0:0
Atletiko Paranaense - Krisiuma 3:1
Mastriani, 23; 54. Kuelyo, 79 – Barreto, 8.
Braqantino - Atletiko Mineyro 1:2
Lukas Evangelista, 25 - Zaraço, 42. Paulinyo, 44.
Palmeyras - Vasku da Qama 2:0
Pikeres, 26. Roni, 56.
Atletiko Qoyaniense - Korintians 2:2
Kaka, 66-öz qapısına. Şeylon, 90+2-p. – Yuri Alberto, 15; 62.
Juventude - Vitoriya 1:1
Rodriqo Sam, 39 – Villian Oliveyra, 42.
Kruzeyro - Kuyaba 2:1
Mateus Pereyra, 45+1. Rafa Silva, 67 – Pitta, 64-p.

2-ci turdan təxirə salınan oyun
Kuyava – Vitoriya 0:0
5-ci turdan təxirə salınan oyun
Juventude – Qoyaniense 1:0
Lukas Barbosa, 38.
6-cı turdan təxirə salınan oyun
Krisiuma – Kuyaba 2:5
Mateuşinyo, 63. Tobias Fiqeyredo, 65 – Pitta, 16. Kleyson, 23; 35. Maks, 46. Ramon, 90+5.

1. Flamenqo 8 5 2 1 15-7 17
2. Bayya 8 5 2 1 11-7 17
3. Botafoqo RJ 8 5 1 2 14-7 16
4. Atletiko Paranaense 8 5 1 2 12-5 16
5. San Paulu 8 4 2 2 12-6 14
6. Palmeyras 8 4 2 2 7-4 14
7. Kruzeyro 7 4 1 2 10-10 13
8. Atletiko Mineyro 7 3 4 0 12-5 13
9. Braqantino 8 3 3 2 10-8 12
10. İnternasyonal 6 3 2 1 5-3 11
11. Fortaleza 7 2 4 1 6-5 10
12. Juventude 7 2 4 1 8-9 10
13. Qremio 6 2 0 4 5-7 6
14. Vasku da Qama 8 2 0 6 7-19 6
15. Korintians 8 1 3 4 5-8 6
16. Fluminense 8 1 3 4 9-14 6
17. Krisiuma 6 1 2 3 10-12 5
18. Atletiko Qoyaniense 8 1 2 5 6-11 5
19. Kuyaba 8 1 1 6 6-15 4
20. Vitoriya 8 0 3 5 6-14 3
Bombardir: Veqetti (Vasku da Qama) - 4.