Braziliya çempionatında son bir həftədə iki - 5-ci və 6-cı turun oyunları keçirildi. Qeydə alınan nəticələrdən sonra A seriyasında “Botafoqo”nun vahid liderliyi dəyişmədi.

“Football-plus.az” xəbər verir ki, Rio de Janeyro klubu əvvəlcə qələbə seriyasını “Korintians”la ev oyununda davam etdirdi. Luiş Kaştronun çalışdırdığı komanda 3 cavabsız qol vurmaqla qalib gəldi. Matçın qəhrəmanı dubl edən Tikinyo Soares oldu. 32 yaşlı hücumçu “Qoyas” ilə növbəti oyunda yeni mövsümdə 6-cı qolunu vuraraq bombardirlərin yarışında vahid liderliyə yiyələndi. Amma onun 33-cü dəqiqədə penalti ilə hesabı açması bir işə yaramadı. Ona görə ki, “Qoyas” qalan vaxtda təcrübəli müdafiəçilər Bruno Melo və Maginyonun qolları ilə rio de janeyroluların ilk məğlubiyyətini rəsmiləşdirdi. Buna baxmayaraq, “Botafoqo”nun zirvədəki mövqeyi dəyişmədi.

4-cü turdan sonra liderin əsas izləyicisinə çevrilən “Palmeyras” iki oyunda hesabına 4 xal yaza bildi. 2022-ci il mövsümünün çempionu “Qremio”ya qarşı ev oyununda (4:1) çətinlik çəkmədi, amma “Braqantino”ya qarşı matçda qələbə hesabını qoruya bilmədi (1:1). Abel Ferreyranın komandası əsas izləyicisi kimi qaldığı liderlə xal fərqini minimuma endirdi.

“İnternasyonal” son iki turda xal qazana bilmədi. Ötən mövsümün vitse-çempionu evdə “Atletiko Paranaense”yə, səfərdə isə “Atletiko Mineyro”ya 0:2 hesabıyla uduzdu. Ardıcıl 3-cü məğlubiyyət Manu Menezeşin komandasını 12-ci yerə saldı.

Son mövsümün bürünc mükafatçısı isə iki oyunu maksimum nəticə ilə başa vurdu. “Fluminense” səfərdə “Kruzeyro”nu, evdə “Kuyaba”nı iki cavabsız topla üstələdi. Fernando Dinizin komandası 3 pillə irəliləməklə 3-cü yerə çıxdı.

Maraq üçün hər iki turda qələbə qazanan digər komandaların “Atletiko Paranaense”, “Atletiko Mineyro”, “Santos” və “Flamenqo” olduğunu bildirək. Xorxe Sampaolinin çalışdırdığı “Flamenqo” 3 oyunluq məğlubiyyət seriyasını uğurlu nəticələrlə müşayiət etdirdi. “İnternasyonal” kimi son oyunları xalsız başa vuran digər iki iştirakçı isə “Bayya” ilə “Kuyaba”dı.

5-ci tur
Botafoqo RJ - Korintians 3:0
Tikinyo Soares, 12; 65-p. Eduardo, 81.
Palmeyras - Qremio 4:1
Rafael Veyqa, 24; 56-p. Mayke, 68. Luan, 74 – Bitello, 45+2.
Kruzeyro – Fluminense 0:2
Qanso, 43. Kano, 54.
İnternasyonal - Atletiko Paranaense 0:2
Kristian, 79. Villian, 90+6.
Santos - Bayya 3:0
Deyvid Vaşinqton, 4. Mendosa, 14. Ancelo, 51.
Flamenqo - Qoyas 2:0
Pedro, 8-p. Everton Ribeyro, 49.
Braqantino - Amerika Mineyro 2:2
Elinyo, 33; 44 - Luo Quofu, 15-p.; 78-p.
Kuyaba - Atletiko Mineyro 0:4
Yoran, 13. Halk, 51-p. Pavon, 72. Paulinyo, 87.
Koritiba - Vasku da Qama 1:1
Ze Roberto, 45+4 – Erik Markus, 80.
Fortaleza - San Paulu 0:0

6-cı tur
Qoyas - Botafoqo RJ
Bruno Melo, 45+5. Maginyo, 57 - Tikinyo Soares, 33-p.
Palmeyras - Braqantino 1:1
Artur, 65 – Juninyo Kapişaba, 71.
Amerika Mineyro – Kruzeyro 0:4
Enrike Dorado, 33. Marlon, 70. Jilberto, 84; 90+1.
Qremio - Fortaleza 0:0
Atletiko Mineyro - İnternasyonal 2:0
Varqas, 3. Paulinyo, 90+5.
Fluminense - Kuyaba 2:0
Nino, 6. Qanso, 56.
Bayya - Flamenqo 2:3
Byel, 35. Ademir, 51 – Mateus França, 23. Qabriel Barboza, 29-p. David Luis, 45+4.
Vasku da Qama - Santos 0:1
Deyvid Vaşinqton, 29.
Korintians - San Paulu 1:1
Rocer Gedeş, 45+6-p. – Arauxo, 15.
Atletiko Paranaense – Koritiba 3:2
Pablo, 49. Vilian, 90+1. Kanobbio, 90+7 – Moreno, 20. Robson, 66.

1. Botafoqo RJ 6 5 0 1 13-6 15
2. Palmeyras 6 4 2 0 16-6 14
3. Fluminense 6 4 1 1 12-5 13
4. Kruzeyro 6 4 0 2 11-5 12
5. Atletiko Paranaense 6 4 0 2 10-7 12
6. Atletiko Mineyro 6 3 1 2 10-5 10
7. Santos 6 3 1 2 8-5 10
8. Fortaleza 6 2 4 0 9-4 10
9. Flamenqo 6 3 0 3 12-9 9
10. San Paulu 6 2 3 1 8-4 9
11. Qremio 6 2 2 2 7-9 8
12. İnternasyonal 6 2 1 3 4-8 7
13. Braqantino 6 1 4 1 9-11 7
14. Bayya 6 2 0 4 8-11 6
15. Qoyas 6 2 0 4 5-12 6
16. Vasku da Qama 6 1 3 2 6-7 6
17. Korintians 6 1 2 3 6-11 5
18. Kuyaba 6 1 1 4 5-12 4
19. Koritiba 6 0 2 4 5-14 2
20. Amerika Mineyro 6 0 1 5 5-17 1

Bombardirlər: Tikinyo Soares (Botafoqo RJ) - 6, Rafael Veyqa (Palmeyras) - 4.