Nəhayət, Braziliya çempionatında qaçılmaz olan məcburi fasilə sona çatdı: ölkənin bir neçə ştatında baş verən təbii fəlakət səbəbindən A seriyasında 7-ci tura 17 gündən sonra start verildi.

“Football-plus.az” xəbər verir ki, amma daşqın və sel səbəbindən ortaya çıxan probleməri tam şəkildə yoluna qoymaq mümkün olmayıb. Hər halda bir sıra komandalar stadion və məşq bazasına dəyən ziyana görə ev oyunlarını neytral meydanlarda keçirməyə məcburdu. Qeydə alınan nəticələrə gəlincə, əvvəlki turda yaranan ikihakimiyyətlilik dəyişmədi. Amma şərikli liderlərdən biri bu mövqeyini əldən verdi.

Topların daha yaxşı fərqinə əsasən 1-ci yerdə olan “Atletiko Paranaense” üçün fortalezaya səfər uğursuz alındı. Eyniadlı komanda kuritibalılardan oyun planında çox da üstün olmasa da, liderə qalib gəlməyi bacardı. Təxminən bərabər mübarizə şəraitində keçən matçın il yarısının sonunda Kuşçeviçin vurduğu yeganə qol “Fortaleza”ya qələbə gətirdi. “Atletiko Paranaense” isə bu məğlubiyyətlə liderlikdən 5-ci yerə düşdü.

Tura şərikli lider kimi başlayan “Bayya” da xal itirdi. Amma Rojerio Seninin çalışdırdığı komanda heç olmasa bir xal qazanmağı bacardı. “Atletiko Mineyro” ilə səfər oyununun asan keçməyəcəyi aydın idi. Ev sahibləri birsaatlıq mübarizə arxada qalandan sonra Halk ilə hesabı açdılar. Amma Qabriel Militonun komandası hesabı yalnız 8 dəqiqə qoruya bildi: Ademirin cavab qolundan sonra hesab dəyişmədi. Çətin səfərdə qazanılan bir xal “Bayya”nı 2-ci yerdə saxladı.

Əvvəlki turda 3 oyunluq qələbəsizliyə son qoyan “Flamenqo” Rio de Janeyro derbisində şou göstərdi. “Vasku da Qama” hesabı erkən açsa da, 9-cu dəqiqədən sonra meydanda yalnız qonaqlar “at oynatdılar”. Titenin çalışdırdığı komanda rəqibini 6:1 hesabı ilə məğlub etdi. “Flamenqo” inamlı qələbə ilə 3-cü pillədən 1-ə yüksəldi. “Qrmızı-qaralar” şərikli lider “Bayya”nı topların daha yaxşı fərqinə əsasən qabaqlayırlar.

Tura hərəyə 10 xalla 4-6-cı yerləri bölüşməklə başlayan komandalardan ikisi qələbə qazandı. “Botafoqo” səfərdə “Korintians”ı minimal hesabla məğlub edərək 3-cü yerə yüksəldi. “San Paulu”nun yeni baş məşqçi ilə uğurlu çıxışı davam edir. Bu vəzifəyə apreldə təyinat alan Luis Subeldiyanın komandası evdə “Kruzeyro”ni 2:0 hesabıyla məğlub etdi. Son 5 oyunda 4-cü qələbə san paululuları 5-ci yerdən 4-ə çıxardı. “Kruzeyro” isə üçpilləlik geriləmə ilə 9-cu yerə düşdü.
[center][/center]
Mövsümə zəif başlayan son çempion “Palmeyras” Krisiumada maksimum nəticəyə nail oldu. Abel Ferreyranın komandası Qustavo Qomesin sayəsində 2:1 hesablı qələbə qazandı: müdafiəçi qol və məhsuldar ötürmənin müəllifi oldu. “Palmeyras” çətin qələbə ilə 9-cu yerdən 7-yə yüksəldi.

7-ci tur
Fortaleza – Atletiko Paranaense 1:0
Kuşçeviç, 45.
Atletiko Mineyro – Bayya 1:1
Halk, 62 – Ademir, 70.
Vasku da Qama – Flamenqo 1:6
Veqetti, 9 – Everton, 28. Pedro, 33. David Luis, 43. De Arraskaeta, 52. Bruno Enrike, 73. Qabriel Barboza, 89.
Krisiuma - Palmeyras 1:2
Mateusinyo, 68 – Q.Qomes, 67-p. Lazaro, 90+2.
Korintians - Botafoqo RJ 0:1
Junior Santos, 59.
San Paulu - Kruzeyro 2:0
Lukas Moura, 5. Kalyeri 48.
Qremio - Braqantino 0:2
Erik Ramires, 3. Luan Kandido, 60-p.
Vitoriya - Atletiko Qoyaniense 0:2
Vaqner Lav, 42. Qabriel Baralyas, 69.
Kuyaba – İnternasyonal 0:1
Uqo Malyo, 69.
Fluminense - Juventude 1:1
Marselo, 42-p. – Jadson, 67.

1. Flamenqo 7 4 2 1 13-6 14
2. Bayya 7 4 2 1 10-7 14
3. Botafoqo RJ 7 4 1 2 13-7 13
4. San Paulu 7 4 1 2 12-6 13
5. Atletiko Paranaense 7 4 1 2 9-4 13
6. Braqantino 7 3 3 1 9-6 12
7. Palmeyras 7 3 2 2 5-4 11
8. İnternasyonal 5 3 1 1 5-3 10
9. Kruzeyro 6 3 1 2 8-9 10
10. Atletiko Mineyro 6 2 4 0 10-4 10
11. Fortaleza 6 2 4 0 6-4 10
12. Qremio 5 2 0 3 4-5 6
13. Vasku da Qama 7 2 0 5 7-17 6
14. Juventude 5 1 3 1 6-8 6
15. Fluminense 7 1 3 3 9-13 6
16. Krisiuma 4 1 2 1 7-4 5
17. Korintians 7 1 2 4 3-6 5
18. Atletiko Qoyaniense 6 1 1 4 4-8 4
19. Vitoriya 6 0 1 5 5-13 1
20. Kuyaba 5 0 0 5 0-11 0
Bombardirlər: Veqetti (Vasku da Qama) – 4, Pedro (Flamenqo), Danilo Barboza (Botafoqo), Lusiano (San Paulu), Everaldo (Bayya), Varqas (Atletiko Mineyro) - 3.