''İnanılmaz hisslər keçirirəm. Bu cür turnirdə qələbə qolunu vurmaq hər gün nəsib olmur. Amma özümü buna hazırlamışdım. Komandadakı rolum mənə əvvəlcədən söylənilmişdi. Ehtiyac duyulacağı halda sonradan meydana çıxıb komandaya yardım etməli idim. Mənim üçün yuxulardakı kimi bir başlanğıc oldu. Hücumçu qol vura biləcəyi anı hiss etməlidi. Həmin an top mənə yaxınlaşanda artıq bunu hiss etdim. Həm də bunun baş verəcəyi ürəyimə dammışdı. Hətta sizə mesajları da göstərə bilərəm. Oyun günü səhər sevgilimə bir mesaj göndərmişdim. Ona yazmışdım ki, sona 20 dəqiqə qalmış hesab 0:0 və ya 1:1 olacaq və mən də meydana çıxıb vəziyyəti dəyişəcəm. Düzdü, qol bir az gec dəqiqələrdə vuruldu. Amma bu anı həm hiss etmiş, həm də beynimdə canlandırmışdım''.