''Həmin qol həyatımı dəyişdimi? Əlbəttə. Özü də birmənalı şəkildə. Bəzi şeylər var ki, onu etdikdən sonra xüsusi insanların sırasına qoşulursan. Həmin andan etibarən tarixin bir parçasına çevrilirsən. Düzdü, mənim işim qol vurmaq deyil. Mən əsasən yarımmüdafiənin mərkəzində komandamın rəqibi üstələməsinə yardım etməyə çalışıram. Amma ''Mançester Siti'' kimi bir klubun tarixində qazandığı ilk ÇL-də qələbə qolunu vurmaq mənə qismət oldu. Zidanın 2001-də Qlazqoda ÇL-in finalında ''Bayer-04''ün və ya İnyestanin 2010-da Yohannesburqda DÇ-nin finalında Niderlandın qapısına vurduğu qol necə əfsanədisə, mənim də qolum artıq həmin sıralamaya daxildi. Bəzi oyunçuların karyeralarını büsbütün dəyişdirən anlar olur. Həmin gün sıra mənə çatmışdı və bu qolu vurduğuma görə çox xoşbəxtəm''.