Veqhorst ''Beşiktaş''dan narazılıq etdi, Günəş onun cavabını verdi
Bilindiyi kimi təxminən 2 həftə öncə Vut Veqhorst ''Beşiktaş''dan ''Mançester Yunayted''ə keçmişdi.
Football-plus.az xəbər verir ki, təcrübəli niderlandlı forvard hələ ki, yeni klubunda 3 rəsmi oyuna 1 qol vurub. Veqhorst Türkiyədə heç də pis performans sərgiləmirdi və qardaş ölkədə oynadığı dönəmdə hər hansı bir narazılığını dilə gətirməmişdi. Amma 30 yaşlı hücumçu bir neçə gün öncə Türkiyə ilə bağlı qəribə açıqlama verdi: ''Beşiktaş''da məşqlərdən qətiyyən razı deyildim. Hətta bununla bağlı bir neçə dəfə menecerimə mesaj ataraq narazılığımı bildirmişdim''. Dünən ''Beşiktaş'' superliqanın 20-ci turunda ''Kasımpaşa''nı 3:0 hesabı ilə darmadağın etdi. Oyunsonrası mətbuat konfransında baş məşqçi Şenol Günəşə Veqhorstun sözlərini də xatırlatdılar. Təcrübəli mütəxəssis niderlandlının cavabını bu sözlərlə verdi: ''Halbuki DÇ-yə yollanarkən mənə ehtiyacının olduğunu deyirdi. Son anda yığmaya dəvət aldı. Veqhorst bura ''Bernli''dən gəlmişdi. Burdan da ''Mançester Yunayted''ə yollandı. Nə demək istədiyimi yəqin ki, anladız. Bir futbolçu bir yerdən daha yüksək yerə keçirsə, deməli əvvəlki klubunda yaxşı məşq keçib və yaxşı performans sərgiləyib. İstənilən halda bir futbcunun sözü ilə mənim məşqçilik qabiliyyətimə şübhəylə yanaşmaq məntiqsizdi. Nədənsə, biz həmişə öz məşqçilərimizə yetərsiz gözü ilə baxırıq. Məsələn, Kim Min Çje ''Fənərbaxça''ya gəldi və yerli məşqçinin əlinin altında inkişaf edərək ''Napoli''yə yollandı. Mənim gəlişimdən sonra komandada fiziki cəhətdən inkişaf göz önündədi. Bu cür şeyləri gündəmə gətirmək lazım deyil. Öz insanımıza dəyər verməyi bacarmalıyıq. Həm də Veqhorst mənimlə çox az çalışdı. Mənim keçdiyim toplanışda o, yox idi''. Bu arada Veqhorstun sözləri azmış kimi indi də ''Yunayted''in sabiq üzvü Pol Parker Türkiyə futbolu ilə bağlı aşağılayıcı ifadə işlədib. 1991-96-cı illərdə ''qırmızı şeytanlar''ın şərəfini qorumuş Parker Veqhorstun performansını dəyərləndirərkən bunları deyib: ''Fanatlar onun transferini tənqid etmək əvəzinə diqqətlərini komandanın performansına yönəltsinlər. Bir məqamı da unutmayaq. Veqhorst fərqli çempionatdan gələrək yenidən premyer-liqaya uyğunlaşmağa çalışır. O, bura Türkiyədən gəlib. Türkiyə çempionatı isə futbolçuların tətil etmək və ya pul qazanmaq üçün yollandıqları bir məzarlığa bənzəyir''.
Digər xəbərlər
