“AFFA-nın "Hypers" üçün xüsusi bir mükafatı yoxdu”
Bilindiyi kimi, Region Liqasının finalçısı “Hypers” “Şəfa”nı pley-offun hər iki matçında məğlub etməklə 2-ci liqaya vəsiqə qazandı.
Daha sonra isə AFFA-nın "Haypers"ə pul mükafatı verəcəyi haqda xəbərlər yayılıb. Bəs görəsən, bu nə dərəcədə doğrudu? Söhbət hansı məbləğdən gedir. Bu sualla bağlı klubun idman direktoru Fuad Cəfərovla əlaqə saxladıq:
"Yanlış məlumatdı. AFFA-nın "Hypers" üçün xüsusi bir mükafatı yoxdu. Sadəcə, istər 1-ci liqa, istərsə də 2-ci liqa təmsilçilərinə AFFA tərəfindən müəyyən vəsait ayrılır. Biz də onlardan biriyik. Büdcənin nə qədər olacağını gözləyirik və ona uyğun plan hazırlayacağıq".
Daha sonra PFL-in media və marketinq direktoru Sənan Abdullayevə müraciət etdik:
"Hazırkı duruma görə bizim nəzarətimizdə olan premyer-liqaya 3 milyon, 1-ci liqaya 300 min, 2-ci liqaya isə 50 min manat pul ayrılır".
GÜNAY SÜLEYMANOVA
Digər xəbərlər
