“Əsas məqsəd çempion olmaq idi. Təəssüf ki, alınmadı. Şükür, digər şansdan istifadə edə bildik. Meydana məcburiyyət qarşısında qaldığım üçün çıxdım. Çünki hücum xəttindəki futbolçumuz 90 dəqiqə mübarizə apara biləcək gücdə deyildi. Onu da deyim ki, qolun müəllifi mən yox, komandamdı. Yəni kimin vurmasının fərqi yoxdu. 2-ci liqa oyunlarında məşqçi-oyunçu kimi iştirak etmək fikrində deyiləm. Kollektivin növbəti mövsüm üçün formalaşdırılmasına gəlincə, hələ ki istirahət edirik. Əlbəttə, müəyyən transferlər reallaşacaq. Danışıq apardığımız bir neçə oyunçu var. Lakin konkret razılıq əldə ediləndən sonra bu barədə açıqlama verə bilərəm”.