“Ölkəmizi daha böyük turnirlərdə və oyunlarda təmsil etmək istəyirik”
Qadın futbolçulardan ibarət yığmamız AÇ-2025-in seçmə mərhələsi çərçəvəsində evdə Türkiyəyə qalib gəlməklə xal sayını 4-ə çatdırdı.
Bu qələbə komandamızın pley-off şansını daha da artırdı. Qarşıda yığmamızı Macarıstanla evdə və İsveçrə ilə səfərdə çox əhəmiyyətli oyunlar gözləyir. Bəs görəsən, yığmanın bu rəqiblərdən xal almaq ehtimalı nə qədərdi? Bu sualı komanda üzvlərindən Sevinc Cəfərzadə ilə Aysun Seydiyevaya ünvanladıq:
Sevinc Cəfərzadə:
"Hədəfimiz Avropa çempionatının pley-off mərhələsinə vəsiqə qazanmaqdı. Bunun üçün son iki oyunda maksimum xal əldə etməliyik. Bu xalları qazanmağın heç də asan olmayacağını bilirik. Lakin mümkünsüz heç nə yoxdu. Rəqiblərimiz İsveçrə və Macarıstan yığmalarııdı. Biz hər bir komandaya hörmət edirik. Ümid edirəm ki, istədiymiz nəticəni əldə edib, Azərbaycan futbolu adına daha bir yeni tarix yaza biləcəyik. Əslində qısa müddətdə bu yerlərə gəlib çatmağımız belə çox böyük uğurdu. Ölkəmizi daha böyük turnirlərdə və oyunlarda təmsil etmək istəyirik".
Aysun Seydiyeva:
"Qarşıdakı oyunlarımız çox güclü və təcrübəli rəqiblərə qarşıdı, biz də bunun fərqindəyik. Amma mən komandama çox inanıram. Siyasət müəllimin bir sözü var: “sürpriz etmək sizin işiniz”. Macarıstanla ev oyununda hər şey ola bilər. Məqsədimiz yaxşı mübarizə aparmaq və hər iki oyunda ən azı 1 xal qazanmaqdı".
GÜNAY SÜLEYMANOVA
Digər xəbərlər
