Yığma üzvləri söz verdi
Xəbər verdiyimiz kimi, ölkəmizin qadın futbolçulardan ibarət yığması Avropa çempionatının seçmə mərhələsində B Liqasının 1-ci qrupunda İsveçrə, Macarıstan və Türkiyə ilə üz-üzə gələcək.
Qrup oyunları aprel-iyul ayları aralığında keçiriləcək. Turnirin final mərhələsi gələn ilin iyulunda İsveçrədə təşkil olunacaq. Bəs görəsən, futbolçularımız püşkatma ilə bağlı nə düşünür? “Football-plus.az”ın bu sualını Ayşən Əhmədova və Aysun Seydiyeva cavabladı.
Ayşən Əhmədova:
"Qrupumuzdakı komandaların gücü bəllidi. Çalışacağıq ki, əlimizdən gələnin ən yaxşısını edək. Birinci oyunumuz Macarıstanladı. Maksimum nəticə əldə etmək istəyirik".
Aysun Seydiyeva:
"Çox yaxşı komandalarla qarşılaşacağıq. Heç də asan rəqiblər deyil. Lakin onsuz da biz komanda olaraq, belə çətin oyunlara psixoloji cəhətdən daha yaxşı köklənirik. Belə oyunlar bizim daha çox böyüməyimizə, təcrübə qazanmağımıza kömək edir. Bacardığımız qədər yaxşı oyun göstərib xal almağa çalışacağıq. İstədiyimiz yerdə - B səbətindəyik. Bundan sonra orda yaxşı mübarizə aparmaq üçün əlimizdən gələnin ən yaxşısını edəcəyik".
GÜNAY SÜLEYMANOVA
Digər xəbərlər
