"AÇ-də Macarıstan, İsveçrə və Türkiyə ilə qarşılaşacıq. Düzünü desəm, həm Macarıstan, həm də İsveçrə milliləri qadın futbolunda söz deyən ölkələrdəndi. Hər ikisinin heyətində keyfiyyətli futbolçular var. Həmin futbolçular Avropanın top səviyyəli ölkələrində çıxış edir. Bizim üçün yeni bir təcrübədi. İnşallah, komanda olaraq, hər iki oyuna çox ciddi hazırlaşırıq. Birinci oyunlar həmişə çətin olur. Üstəlik ilk matç rəqibin meydançasındadı. Sevindirici hal odu ki, millinin düşərgəsinə dəvət alan bütün oyunçular öz komandalarında oynayırlar. Düşünürük ki, tam formada gələcəklər. Bu hal bizi sevindirir. Məqsədimiz hər iki oyunda minimum 1 xal qazanmaqdı. Qələbə olarsa, lap yaxşı. Bu oyunlardan sonra Türkiyə millisi ilə qarşılaşacıq. Digər millilərə baxanda Türkiyə mənə daha yaxındı. Çünki iki il Türkiyədə işləmişəm, superliqada çempion olmuşam. Milli komandada olan keçmiş oyunçularımı, başqa klubların oyunçularını yaxından tanıyıram. Buna görə də Türkiyə ilə oynamaq mənə daha rahat olacaq. Qarşımıza məqsəd qoymuşuq ki, bu qrupda bacardıqca irəli gedək, sona qədər mübarizə aparaq".