Startı mayın 11-də verilən Argentina çempionatının yeni mövsümündə ayın 17-21-i aralığında 2-ci turun oyunları keçirildi.

“Football-plus.az” xəbər verir ki, turun diqqəti daha çox cəlb edən faktı 14 oyunda 8 heç-heçənin qeydə alınması oldu. Maraqlıdı ki, yeni mövsümün ilk turunda yalnız bir matç “sülh”lə nəticələnmişdi.

“River Pleyt” son çempiona layiq nəticələr göstərir. Açılış turunda evdə “Sentral Kordoba”nın qapısından 3 cavabsız top keçirən Martin Demiçelisin komandası buna “Belqrano”ya qarşı matçda da nail oldu. 3:0 hesablı qələbədə qol və məhsuldar ötürmənin müəllifi olan Solari daha çox rol oynadı. Daha bir qol vuran Kolidio isə 3 qolla bombardirlərin yarışında şərikli liderliyə nail oldu. Onun komandası topların daha yaxşı fərqinə əsasən 1-ci yerdə qaldı.

Vitse-çempion da yeni “futbol ili”nə qələbələrlə başlayıb. İlk turun səfər oyununda “İndependyente”ni 3:1 hesabı ilə məğlub edən “Talyeres de Kordoba” bu dəfə evdə “Atletiko Tukuman”ın qapısından iki cavabsız top keçirdi. Valter Ribonettonun çalışdırdığı komandanın növbəti qələbəsində qol və məhsuldar ötürmənin müəllifi olan paraqvaylı hücumçu Ramon Sosa böyük pay sahibi oldu.
İki turdan sonra “Estudiantes”in də hesabında maksimum xal var. Liqa Kubokunun son qalibi evdə “Deportivo Riestra”ya 2:0 hesabıyla qalib gəldi. Eduardo Domingesin çalışdırdığı “tələbələr” topların fərqinə görə 3-cü yerdədilər.

Ölkə çempionatının bürünc mükafatçısı mövsümə heç də yaxşı başlamayıb. İlk turda “Deportivo Riestra”ya minimal hesabla uduzan “San Lorenso” öz meydanında “Lanus” ilə heç-heçə etdi - 1:1.

Səfərdə “Atletiko Tukuman”a yeganə qolla uduzmaqla mövsümə uğursuz başlayan “Boka Xuniors” bu dəfə “Sentral Kordoba”nı 4:2 hesabıyla məğlub etdi. Esekyel Fernandes ilə Merentyelin dublu Dieqo Martinesin komandasın ilk qələbəsini təmin etdi.

Artıq mövsümün ilk istefası rəsmiləşib. Karlos Teves “Platense” ilə qolsuz nəticələnən oyundan sonra “İndependyente”dən ayrılmaq qərarına gəlib. O, komandanın baş məşqçi vəzifəsinə 2023-cü ilin avqustunda təyinat almışdı. Qeyd edək ki, bir neçə həftə əvvəl 40 yaşlı mütəxəssisin səhhətində problem ortaya çıxmış, bu səbəbdən xəstəxanalıq olmuşdu. Teves döş qəfəsindəki ağrılar səbəbindən həkim nəzarətinə alınmışdı.

2-ci tur
River Pleyt – Belqrano 3:0
Eçeverri, 35. Kolidio, 81. Solari, 86.
Talyeres de Kordoba - Atletiko Tukuman 2:0
R.Sosa, 45+3. Bartissiotto, 48.
San Lorenso – Lanus 1:1
Ferreyra, 66 – Bou, 19.
Estudiantes - Deportivo Riestra 2:0
Setre, 42-p. X.Korrea, 90+1.
Sentral Kordoba - Boka Xuniors 2:4
Atensio, 3. Sanabriya, 45+3 – E.Fernandes, 47; 90+6. Merentyel, 52; 80.
Platense - İndependyente 0:0
İndependyente Rivadaviya - Qodoy Krus 0:0
Defensa y Xustisiya - Ximnasiya 1:1
N.Fernnades, 53 – Lusero, 42-öz qapısına.
İnstituto – Union 1:1
S.Rodriges, 40 – Orsini, 33.
Barrakas Sentral - Sarmyento 1:1
İnsua, 5 – Fontana, 29.
Banfild - Atletiko Urakan 1:1
M.Ximenes, 79 - Fertoli, 14.
Rosario Sentral - Tiqre 1:1
Malyo, 90+5 Maroni, 14.
Rasinq - Arxentinos Xuniors 3:0
Martirena, 26. Karbonero, 63. R.Martines, 84.
Veles Sarsfild - Nyuellz Old Boyz 1:0
B.Romero, 20.

1. River Pleyt 2 2 0 0 6-0 6
2. Talyeres de Kordoba 2 2 0 0 5-1 6
3. Estudiantes 2 2 0 0 3-0 6
4. Rasinq 2 1 1 0 7-4 4
5. Ximnasiya 2 1 1 0 4-2 4
6. Atletiko Urakan 2 1 1 0 4-2 4
7. İndependyente Rivadaviya 2 1 1 0 2-0 4
8. İnstituto 2 1 1 0 3-2 4
9. Barrakas Sentral 2 1 1 0 2-1 4
10. Union 2 1 1 0 2-1 4
11. Boka Xuniors 2 1 0 1 4-3 3
12. Nyuellz Old Boyz 2 1 0 1 2-1 3
13. Veles Sarsfild 2 1 0 1 2-3 3
14. Atletiko Tukuman 2 1 0 1 1-2 3
15. Deportivo Riestra 2 1 0 1 1-2 3
16. Arxentinos Xuniors 2 1 0 1 3-5 3
17. Rosario Sentral 2 0 1 1 3-4 1
18. Sarmyento 2 0 1 1 2-3 1
19. Banfild 2 0 1 1 1-2 1
20. San Lorenso 2 0 1 1 1-2 1
21. Tiqre 2 0 1 1 1-2 1
22. Qodoy Krus 2 0 1 1 0-1 1
23. Defensa y Xustisiya 2 0 1 1 2-4 1
24. İndependyente 2 0 1 1 1-3 1
25. Lanus 2 0 1 1 1-3 1
26. Platense 2 0 1 1 0-2 1
27. Belqrano 2 0 1 1 4-7 1
28. Sentral Kordoba 2 0 0 2 2-7 0
Bombardirlər: Kolidio (River Pleyt), Xara (Belqrano), R.Martines (Rasinq), S.Rodriges (İnstituto) - 3.