Startı yanvarın 26-da verilən Argentina Liqa Kubokunun (LK) 5-ci mövsümündə 4-cü tur da arxada qaldı.

"Football-plus.az" xəbər verir ki, nəhayət, son çempion ilk qələbəsini qazandı.

Yeni mövsümə zəif başlayan “Rosario Sentral” ilk üç turda 2 xal qazana bilmişdi. Migel Russonun komandası qələbəsizliyə LK-nın debütantı “İndependyente Rivadaviya” ilə ev oyununda son qoydu. Rosariolulara üç xalı Serveranın yeganə qolu qazandırdı. Amma ilk qələbə çempionun turnir cədvəlində yalnız bir pillə irəliləməsinə şərait yaratdı. “Rosario Sentral” hazırda A qrupunda 9-cu yeri tutur.

Bu qrupda hesabat turuna iki komanda şərikli lider kimi başlamışdı. Artıq ikihakimiyyətliliyə son qoyulub. Yeni mövsümə xal itkisi ilə start verən “River Pleyt” artıq qələbələri sıralayır. İlk turda“Arxentinos Xuniors”dan yalnız bir xal (1:1) alan Martin Demiçelisin komandası “Barrakas Sentral” (2:0) və “Veles Sarsfild”ə (5:0) qalib gələndən sonra “Deportivo Riestra”dan da maksimum xal qopardı – 3:0. Debütantın da qapısına bir dəfə yol tapan kolumbiyalı hücumçu Borxa indi 6 qolla bombardirlərin siyahısına başçılıq edir. Ölkə nəhəngi isə 10 xalla 1-ci yerin tək sahibi oldu.
İlk 3 oyunda 7 xal toplayan “İnstituto” hesabat turunda xal itirdi. Dieqo Dabovenin çalışdırdığı komandanın evdə “Talyeres de Kordoba” ilə keçirdiyi matç 2:2 hesabıyla nəticələndi. Qapısını ilk dəfə toxunulmaz saxlaya bilməyən “İnstituto” indi 8 xalla 2-ci yerdədi. “Banfild”ə 4:2 hesabıyla qalib gələn “Arxentinos Xuniors”un da hesabında bu qədər xal var.

B qrupunda “Qodoy Krus” ilə “Nyuellz Old Boyz”un qələbə seriyasını davam etdirməsi diqqəti cəlb edir. Maraqlıdı ki, şərikli liderlərdə topların fərqi də eynidi (+6). Sadəcə, “Union”a 3:1 hesabıyla qalib gələn “Nyuellz Old Boyz” daha çox – 7 qol vurduğu üçün 1-ci yerdədi. “Belqrano”nu səfərdə minimal hesabla üstələyən “Qodoy Krus”da isə topların fərqi 6-0-dı.

Bu qrupda yarışan LK-nın son finalçısı çempionla müqayisədə mövsümə yaxşı başlamışdı. Lakin ilk 3 oyunda 4 xal qazanan “Platense” hesabat turunda “Lanus”dan 3 cavabsız top buraxdı. Bu ildən Sebastyan Qratsininin çalışdırdığı komanda 9-cu yeri tutur.

Bu qrupda mübarizə aparan “Boka Xuniors”un yeni mövsümdəki çıxışı hələ ki qənaətbəxş sayıla bilməz. Mövsümə Dieqo Martinesin başçılığı altında başlayan ölkə nəhəngi evdə “Defensa y Xustisiya” ilə qolsuz heç-heçəyə (1:1) razılaşdı. “Boka” hazırda 6 xalla 5-ci yerdədi.

qrup mərhələsi, 4-cü tur
Rosario Sentral – İndependyente Rivadaviya 1:0
Servera, 52.
Lanus - Platense 3:0
Penya, 5. L.Dias, 63; 85.
Deportivo Riestra - River Pleyt 0:3
Borxa, 22. İ.Fernandes, 35. Errera, 40.
İnstituto - Talyeres de Kordoba 2:2
Puebla, 39-p. S.Rodriges, 85 – Bustos, 62. Botta, 70.
Belqrano - Qodoy Krus 0:1
Badaloni, 61.
Union - Nyuellz Old Boyz 1:3
Del Blanko, 72 - İ.Ramires, 7; 41; 58.
Estudiantes - Tiqre 2:0
M.Mendes, 25. Mankuso, 85.
Boka Xuniors - Defensa y Xustisiya 0:0
Atletiko Urakan - İndependyente 0:0
Veles Sarsfild - Ximnasiya 3:1
V.Qomes, 41. Akino, 90+5-p. Pitsini, 90+8 – Kabral, 53.
Arxentinos Xuniors - Banfild 4:2
Veron, 15-p. Leskano, 26; 70. Erediya, 66 – Rivera, 8. Kintana, 78.
Sentral Kordoba - Sarmyento 3:0
Molina, 25. Monson, 46. Qarrido, 77.
Barrakas Sentral - Atletiko Tukuman 2:0
Salasar, 19. A.Dominges, 24-p.
Rasinq - San Lorenso 4:1
A.Martines, 21; 41; 72. Mura, 87 – K.Ferreyra, 74.
A qrupu
1. River Pleyt 4 3 1 0 11-1 10
2. İnstituto 4 2 2 0 7-2 8
3. Arxentinos Xuniors 4 2 2 0 7-3 8
4. Talyeres de Kordoba 4 2 1 1 8-5 7
5. Barrakas Sentral 4 2 1 1 4-3 7
6. İndependyente 4 2 1 1 2-1 7
7. İndependyente Rivadaviya 4 2 0 2 5-4 6
8. Ximnasiya 4 2 0 2 5-6 6
9. Rosario Sentral 4 1 2 1 3-5 5
10. Atletiko Urakan 4 1 1 2 3-4 4
11. Veles Sarsfild 4 1 1 2 4-8 4
12. Atletiko Tukuman 4 0 2 2 1-6 2
13. Banfild 4 0 1 3 2-8 1
14. Deportivo Riestra 4 0 1 3 0-6 1
B qrupu
1. Nyuellz Old Boyz 4 4 0 0 7-1 12
2. Qodoy Krus 4 4 0 0 6-0 12
3. Estudiantes 4 3 1 0 4-0 10
4. Rasinq 4 2 1 1 7-2 7
5. Defensa y Xustisiya 4 2 1 1 6-4 7
6. Lanus 4 2 0 2 5-3 6
7. Boka Xuniors 4 1 3 0 3-1 6
8. Union 4 1 1 2 2-4 4
9. Platense 4 1 1 2 1-6 4
10. Sentral Kordoba 4 1 0 3 3-4 3
11. Sarmyento 4 0 2 2 3-7 2
12. San Lorenso 4 0 2 2 2-7 2
13. Belqrano 4 0 1 3 1-4 1
14. Tiqre 4 0 1 3 0-7 1
Bombardirlər: Borxa (River Pleyt) - 6, İ.Ramires (Nyuellz Old Boyz) - 5, Puebla (İnstituto) - 4.