Yassin Benzya növbəti mövsüm də “Qarabağ”ın forması altında çıxış edəcək.

“Football-plus.az”ın əldə etdiyi bilgiyə görə, futbolçu ölkəsindən olan təklifləri geri çevirib. 29 yaşlı yarımmüdafiəçi yüksəlməkdə olan karyerasını yalnız Avropada mübarizə apara biləcək komandada davam etdirmək istəyir. Bu üzdən Benzyanın indiki duruma görə verdiyi qərar müqavilə müddətinin, yəni növbəti mövsümün sonuna qədər “Qarabağ”da qalmaqdı.
Qeyd edək ki, Benzya cari mövsümdə avrokubok oyunları da daxil olmaqla 16 qol və 15 məhsuldar ötürmə ilə yadda qalıb.

KAMAL SƏFƏR