Almaniya yığmasının AÇ-2024 üçün ilkin heyəti açıqlanıb.

“Football-plus.az” xəbər verir ki, Almaniya Futbol İttifaqının mətbuat xidmətinin yaydığı xəbərə görə, heyətə 27 futbolçunun adı daxil edilib.

Bundestimin baş məşqçisi Yulian Naqelsmann qaydaya əsasən, yekun siyahıya yalnız 26 futbolçunun adını yaza biləcək. O, artıq qitə çempionatında Mats Hummels, Leon Qoretska, Niklas Züle və Yulian Brandtın xidmətindən yararlanmamaq qərarına gəlib. İlkin heyətə bu oyunçular düşə bilib: qapıçılar - Oliver Baumann (Hoffenhaym), Manuel Noyer (Bavariya), Aleksander Nübel (Ştutqart), Mark-Andre ter Stegen (Barselona); müdafiəçilər - Valdemar Anton, Maksimilian Mittelştadt (hər ikisi “Ştutqart”), Benyamin Henrixs, David Raum (hər ikisi “Leyptsiq”), Yozua Kimmix (Bavariya), Robin Kox (Ayntraxt F), Antonio Rüdiger (Real), Niko Şlotterbek (Borussiya D), Conatan Ta (Bayer-04); yarımmüdafiəçilər - Robert Andrix, Florian Virts (hər ikisi “Bayer-04”), Kris Fürix (Ştutqart), Paskal Qross (Brayton), İlkay Gündoğan (Barselona), Toni Kroos (Real), Camal Musiala, Aleksandar Pavloviç, Leroy Sane (hamısı “Bavariya”); hücumçular - Maksimilian Bayer (Hoffenhaym), Niklas Füllkruq (Borussiya D), Kay Haverts (Arsenal), Tomas Müller (Bavariya), Dəniz Undav (Ştutqart).