Tur cümə günü “Leyptsiq”in rəqib meydanında “Köln”ü darmadağın etməsi ilə start götürdü.

"Football-plus.az" Xəbər verir ki, ardıcıl 6-cı turda qələbəyə həsrət qalan “keçilər” pley-off zonasından düşmə zonasına gerilədilər.

Son oyunlarda rəqiblərini “top atəşinə” tutan “Bavariya” bu ənənəni və sonuncu pillədə qərarlaşan klublara qarşı xal itirməmək seriyasını davam etdirdi. Hesabı “Darmştadt” açsa da, “rekordmayster” rəqibinə heç bir şans vermədi. Maraqlıdı ki, “Barselona”da olduğu kimi, “Bavariya”da da baş məşqçinin mövsümün sonunda ayrılacağını açıqlaması müsbət effekt verib. Tomas Tuxel yayda ayrılacağını açıqladığı gündən bəri Münhen nəhəngi keçirdiyi 5-ci rəsmi oyunda da uduzmadı (4 qələbə, 1 heç-heçə, top-fərqi – 20:6)! “Bavariya”nın bundesliqada sonuncu pillədə qərarlaşan kluba qarşı xal itirməsinə sonuncu dəfə 2014/15 mövsümünün 4-cü turunda - “Hamburq”la səfər oyununda (0:0) təsadüf olunub. “Darmştadt”la matçın yeganə qanqaraldıcı tərəfi dirəyə çırpılan Keynin zədələnməsi oldu. Zədənin ciddiliyi barədə dəqiq məlumat yoxdu. Səfərdə “Volfsburq” üzərində əzmkar qələbə qazanan “Auqsburq” bu mövsüm hesabda geridə olduğu görüşlərdə artıq 23 xal toplayıb. 3 xallıq dönəmdə bundesliqada yalnız bir komanda – 1999/00-də “Bayer-04” hesabda geridə olduğu matçlarda bundan daha çox (29) xal qazanıb. “Maynts-05” “Bohum”u, “Union” isə “Verder”i evə əliboş yola saldı. Berlin təmsilçisi Nenad Byelitsanın təyinatından bəri evdə keçirdiyi 7-ci bundesliqa oyununda 5-ci qələbəsini qazandı. Əslində tarixi mövsüm keçirən, amma bu uğuru “Bayer-04”ün fenomenal nəticələrinin kölgəsində qalan “Ştutqart” hesabına daha bir parlaq qələbə yazdı. Şvabiyalılar səfərdə “Hoffenhaym”ı darmadağın etdi. Girassi yenə meydanı qolsuz tərk etməyərək mövsümdəki 22-ci topunu vurdu. Bu klubun heyətində bir mövsümə bundesliqada bundan daha çox qol vurmağı yalnız bir futbolçu – 2008/09-da Mario Qomes (24) bacarıb. Yeri gəlmişkən, “Ştrutqart”da Girassi - Dəniz Undav cütlüyü bu mövsüm bundesliqada artıq 36 qol vurub. Klub tarixində yalnız bir dəfə bir duet bundan daha çox qol vurmağı bacarıb. Belə ki, 1985/86-da Klinsmann - Allqöver dueti 37 qol vurmuşdu.

Dortmund “Borussiya”sı çətinliklə də olsa, “Ayntraxt”ın müqavimətini qıraraq əzmkar qələbə qazandısa, səfərdə oynayan “Bayer-04” “Frayburq”un timsalında daha bir ciddi maneəni geridə qoyaraq 10 xallıq fərqi qorudu. “Qarabağ”a qənim kəsilən Şik bu dəfə də faktiki qələbə qolunu vurdu. Bu mövsüm keçirdiyi 38-ci rəsmi oyunda da uduzmayan Leverkuzen təmsilçisi daxili birincilikdə 22-ci qələbəsini qazanaraq şəxsi rekordunu yenilədi. Komanda buna qədər heç vaxt bundesliqada bir mövsümdə bu qədər qələbə qazanmamışdı. Bundan başqa, 26 tura 70 xal turnirin ən yaxşı 2-ci göstəricisdi! Yalnız 2013/14-də Qvaridolanın “Bavariya”sı 26 tura bundan daha çox (74) xal toplayıb. Komandanın bundesliqada ardıcıl 6-cı səfər qələbəsini qazanmaqla da şəxsi rekordunu yenilədiyini bildirək. Və nəhayət, “Bayer-04” Xabi Alonsonun başçılığı altında 75-ci rəsmi oyunda yubiley - 50-ci qələbəsini qazandı.

26-cı tur
Darmştadt – Bavariya 2:5
Skarke, 28. Vilhelmsson, 90+5 – Musiala, 36; 64. Keyn, 45+1. Qnabri, 74. Tel, 90+3. (17810)
Bavariya: Noyer, Kimmix, Dayer, De Liqt, Gerreyro (Devis, 71), Pavloviç (Laymer, 58), Qoretska, Sane (Tel, 70), Müller (Qnabri, 71), Musiala, Keyn (Çupo-Motinq, 82).
Frayburq – Bayer-04 2:3
Doan, 10. Keytel, 79 – Virts, 2. Hlojek, 40. Şik, 53. (34700)
Frayburq: Atubolu, Sildilliya, Ginter (Linhart, 62), Qulde, Günter, Höfler, Doan, Röl (Keytel, 76), Qrifo (Musliya, 61), Şallai (Qreqoritş, 62), Höler (Filipp, 76).
Bayer-04: Qradetski, Frimponq (Tella, 83), Stanişiç, Ta, İnkapye, Qrimaldo, Caka, Palasios (Tapsoba, 89), Virts, Hlojek (Andrix, 83), Şik (Adli, 76).
Borussiya D – Ayntraxt F 3:1
Adeyemi, 33. Hummels, 81. Əmrə Can, 90+3-p. – Götse, 13. (81365)
Borussiya: Al. Mayer, Volf, Hummels, Şlotterbek, Maatsen (Bensebayni, 85), Əmrə Can, Brandt (Salih Özcan, 84), Adeyemi (Bayno-Gittens, 65), Roys (F.Nmeça, 65), Malen, Füllkruq (Mukoko, 73).
Köln – Leyptsiq 1:5
Adamyan, 18 – Simons, 15. Openda, 63; 67. Aydara, 70. Poulsen, 82. (49000)
Leyptsiq: Qulaçi, Henrixs (Simakan, 83), Orban, Lukeba (Bitşiabu, 86), Raum, Şlager, Aydara (Kampl, 83), Olmo, Simons, Openda (Poulsen, 75), Şeşko (Baumqartner, 75).
Hoffenhaym – Ştutqart 0:3
Miyo, 16. Girassi, 45+1. Levelinq, 68. (30150)
Ştutqart: Nübel, Vaqnoman, Anton (Stergiu, 84), İto, Mittelştadt, Fürix (Katompa Mvumpa, 76), Karazor, Ştiller, Miyo (Çon Vu Yon, 75), Dəniz Undav (Levelinq, 65), Girassi (Mahmud Dahud, 84).
Haydenhaym – Borussiya M 1:1
Ərən Dinkçi, 66 – Hak, 9. (15000)
Union – Verder 2:1
Vertessen, 50. Aaronson, 52 – Vayzer, 63. (22012)
Volfsburq – Auqsburq 1:3
Vimmer, 9 – Ar. Mayer, 45+2. Yakiç, 61; 79. (21375)
Maynts-05 – Bohum 2:0
Burkardt, 45+3-p.; 71. (33000)
1. Bayer-04 26 22 4 0 66-18 70
2. Bavariya 26 19 3 4 78-31 60
3. Ştutqart 26 18 2 6 60-31 56
4. Borussiya D 26 14 8 4 53-32 50
5. Leyptsiq 26 15 4 7 60-32 49
6. Ayntraxt F 26 10 10 6 42-35 40
7. Auqsburq 26 8 8 10 43-42 35
8. Hoffenhaym 26 9 6 11 44-50 33
9. Frayburq 26 9 6 11 36-48 33
10. Verder 26 8 6 12 35-41 30
11. Haydenhaym 26 7 8 11 35-44 29
12. Borussiya M 26 6 10 10 46-50 28
13. Union 26 8 4 14 25-42 28
14. Volfsburq 26 6 7 13 31-44 25
15. Bohum 26 5 10 11 30-54 25
16. Maynts-05 26 3 10 13 22-46 19
17. Köln 26 3 9 14 20-47 18
18. Darmştadt 26 2 7 17 26-65 13
Bombardirlər: Keyn (Bavariya) – 31, Girassi (Ştutqart) – 22, Openda (Leyptsiq) – 19, Dəniz Undav (Ştutqart), Demiroviç (Auqsburq) – 14.
Növbəti turun oyunları martın 30-31-də keçiriləcək: Bavariya – Borussiya D, Ayntraxt F – Union, Borussiya M – Frayburq, Verder – Volfsburq, Leyptsiq – Maynts-05, Auqsburq – Köln, Bayer-04 – Hoffenhaym, Ştutqart – Haydenhaym, Bohum – Darmştadt.

Turun rəqəmi
31 – Keyn 25-ci bundesliqa matçında 31-ci qolunu vurmaqla həm turnirin, həm də şəxsi rekordunu yenilədi. İngiltərə yığmasının kapitanı Uve Zeelerin 1963/64-dəki göstəricisini geridə qoyaraq bundesliqa tarixində debüt mövsümündə ən çox qol vuran futbolçuya çevrildi. Bundan başqa, çempionat çərçivəsində 31 qol Keynin peşəkar karyerasında ən yaxşı göstəricidi. Buna qədər o, “Tottenhem”in heyətində premyer-liqada bir mövsümə ən yaxşı halda 30 qol vurmuşdu (2017/18, 2022/23).

Turun ulduzu
Camal Musiala (Bavariya) – qarşıdan gələn Avropa Çempionatında almanların ən çox ümid bəslədiyi futbolçulardan biri ikinci dövrənin gedişində əla forma yığıb. Autsayderlə oyundakı qələbədə 2 qol, 1 məhsuldar ötürməlik parlaq performans sərgiləyən 21 yaşlı futbolçu bu mövsüm bundesliqada 10 qol həddinə çatdı. Camal bunlardan 7-ni 2024-cü ildə vurub. Onu da bildirək ki, Musiala komandasının bundesliqada keçirdiyi son 5 oyunun hamısında ən azı 1 qolun vurulmasında yaxından iştirak edib.

Turun sitatı
Manuel Noyer, “Bavariya”nın kapitanı: