Dünən futbol üzrə ölkə çempionatının 1-ci liqasında 26-cı tura start verildi.

Şamaxıda keçirilən “Difai Ağsu” – MOİK matçında qalib müəyyənləşmədi. Elgiz Kərəmlinin komandası ilk hissədə üstünlüyü ələ alsa da, ikincidə buraxılan qol qələbənin əldən verilməsiylə nəticələndi. Halbuki 3 xal Ağsu təmsilçisinin pley-off sınağından uzaqlaşmaq məqsədinə fayda verə bilərdi.

Çempionluqdan əlini üzmüş MOİK isə son 4 matçda bir qələbə qazanmaqla ruhdan düşdüyünü göstərir. İkinci oyunda “Zaqatala” “doğma divarlar” arasında “İrəvan”ı məğlub etdi. Meydan sahibləri güclülərlə autsayderlərin arasında qərarlaşmağa layiq olduğunu göstərdi. Hər halda, 3 xal əvvəlki 3 turda qələbəyə həsrət qalan komanda üçün motivasiya mənbəyidi. Qərbi Azərbaycan təmsilçisinə gəlincə, Nazim Süleymanovun komandası son vaxtlar qeyri-sabitliyi ilə seçilir.

Aran derbisi də maraqlı və baxımlı oyunla yadda qaldı. “Karvan”ın Ondonun qoluyla qələbə qazandığı matç “Mingəçevir”i məyus tərəf etdi. Maraq üçün bildirək ki, mövsüm ərzində üç Aran derbisi keçirilib. Bunların ikisində “Karvan” (4:1, 1:0), birində “Mingəçevir” qalib gəlib (1:0).

Tura bu gün keçirilən matçlarla yekun vuruluv. Əvvəl “Qaradağ Lökbatan” – “Şamaxı” duelinə şahidlik etdik. Sonuncu matçda “Araz Saatlı” evdə güclü “İmişli”ni məğlub etməyə çalışıb.

16 may
Qaradağ Lökbatan – Şamaxı - 2:3
Seyxan Fərəcov, 14-p. Xəlil Bəşirov, 40 - Emin Zamanov, 31-p. 48. 52.

Araz Saatlı – İmişli - 2:1
Sequn Omotoso, 64; 69 - Xəqani Sadıxov, 89

15 may
Difai Ağsu – MOİK 1:1
Tahir Zeynalov, 35 – Nihad Qurbanlı, 85.

Zaqatala – İrəvan 2:1
Kevin Ozimo, 63. Roini İsmayılov, 85-p. – İmran Azaxov, 44

Karvan – Mingəçevir 1:0
Uensley Ondo, 74

Xal durumu: Şamaxı – 54, Qaradağ Lökbatan – 53, İmişli – 47, MOİK – 46, Karvan – 41, Zaqatala – 30, İrəvan – 27, Mingəçevir – 26, Difai Ağsu – 22, Araz Saatlı – 13.
Bombardirlər: Elmir Rəhimzadə (MOİK) – 16, Elşad Tağıyev (Şamaxı) – 15.

KƏNAN BAHADIR