Bu gün 1-ci liqada əsas millimizin AÇ-2024-ün seçmə mərhələsində keçirdiyi oyunlarla bağlı yaranan fasilə başa çatır.

Daha dəqiq desək, 9-cu tura start verilir.

Matçlar noyabrın 22-24-ü aralığında keçiriləcək. İlk gündə "İrəvan" "Difai Ağsu"nu sınağa çəkəcək. Nazim Süleymanovun komandası doğma meydanda autsayderlə üz-üzə gələcək. Yenicə toparlanmış komanda MOİK-lə üz-üzə gəldiyi görüşdə xal itirib (0:0). Qərbi Azərbaycan təmsilçisi bu üzdən qarşılaşmaya yetərincə ciddi yanaşacaq. Rəqibin mövsümboyu qələbə qazana bilməyən ağsulular olması ev sahiblərinin qələbə qazanmaq ehtimalını daha da artırır. Elgiz Kərəmlinin yetirmələri meydandan 1 xalla ayrılsa belə, sensasiya sayılacaq.

İrəvan - Difai Ağsu 3:1
Arsen Ağcabəyov, 80. Kamal Mirzəyev, 90+4. Cavid Tağıyev, 90+5. - Tahir Zeynalov 75.
22 noyabr. Bakı, “ASK Arena”. Saat 13.00.
Xal durumu: Qaradağ Lökbatan - 17, İrəvan - 17, MOİK - 16, Şamaxı - 15, İmişli - 14, Karvan - 12, Mingəçevir - 10, Zaqatala - 7, Araz Saatlı - 3, Difai Ağsu - 1.
Bombardirlər: Elşad Tağıyev (Şamaxı) - 8, Peter Kinqs (Karvan) - 5.

KƏNAN BAHADIR