A seriyasında turlar arxada qaldıqca “İnter” skudettoya daha da yaxınlaşır.

"Football-plus.az" xəbər verir ki, qələbə yürüşünü davam etdirən milanlılar artıq əsas izləyicisi ilə xal fərqini 16-ya çatdırıb. Liderin əsas təqibçisinin dəyişdiyini də bəri başdan bildirək.

28-ci turun Bolonyada keçirilən oyununu maraqla gözləməyə dəyərdi. Xatırladaq ki, eyniadlı komanda bu mövsüm İtaliya kubokunda “İnter”i səfərdə 2:1 hesabıyla məğlub etməklə A seriyasının liderini 1/4 finala buraxmamışdı. Ölkə çempionatında 4-cü yeri tutmaqla Çempionlar Liqasına (ÇL) can atan “Bolonya” son 6 matçda maksimum nəticəyə nail olmuşdu. Tyaqo Mottanın komandası “İnter”ə qarşı ev oynunu leysan yağışı altında keçirməli oldu. Qeyd edək ki, Simone İnzaqi ÇL-in 1/8 finalının “Atletiko” ilə cavab görüşü ərəfəsində Dimarko və Lautaro Martines kimi aparıcı oyunçulara istirahət vermək qərarına gəlmişdi. Onun komandası ilk dəqiqələrdən ev sahiblərinin güclü müqaviməti ilə üzləşsə də, tədricən təşəbbüsü ələ aldı və fasilə ərəfəsində hesabı açdı: müdafiəçilər Bastoni ilə Bissekin hazırladığı kombinasiyanı sonuncu başı ilə tamamladı. “Bolonya” qalan vaxtda azı məğlubiyyətdən qurtulmaq üçün çox cəhdə əl atdı. Lakin çətin hava şəraitində yaradıcılıq planında axsayan “göy-qırmızlar” hesaba oynayan rəqibin seçdiyi taktika və bəzi məqamlarda qapıçı Zommer qarşısında aciz qaldılar. Beləliklə, “İnter” ölkə kubokundakı məğlubiyyətin əvəzini rəqibin qələbə seriyasını qırmaqla çıxdı. A seriyasında artıq 22 oyundu (19 qələbə, 3 heç-heçə) uduzmayan İnzaqinin komandasının bu il bütün turnirlərdə keçirdiyi 13 matçın hamısında qalib gəldiyini də qeyd edək.

Uzun müddət milanlıların əsas izləyicisi olan “Yuventus” azarkeşlərini növbəti dəfə məyus etdi. Turinlilər “Atalanta” ilə ev oyununda aparıcı hücumçusu Vlahoviçdən cəza səbəbi ilə yararlana bilmədilər. Bununla belə, meydan sahibləri hücumda daha fəal təsir bağışladılar. Lakin kifayət qədər yaradılan qol epizodlarının yalnız ikisi reallaşdırıldı. Əsas diqqəti müdafiəyə ayıran berqamolular da bu qədər qol vura bildilər. İki xal itkisi “Yuventus”a 2-ci yeri əldən vermək bahasına başa gəldi.

Çünki, “Milan” evdə “Empoli”ni minimal hesabla məğlub etməklə liderin əsas izləyicisinə çevrildi. Tur “Napoli”, “Fiorentina” və “Roma”nın da iki xal itkisi ilə yadda qaldı. İtaliyanın son çempionu evdə “Torino”ya üstün gələ bilmədi – 1:1. Florensiyadakı matçda isə ev sahibləri “Roma” üzərində qələbəni son saniyələrdə əldən verdilər – 2:2.

28-ci tur
Napoli – Torino 1:1
Kvaratsxeliya, 61 – Sanabriya, 64. (45000)
Napoli: Meret, Ruy (Olivera, 79), Juan Jezus, Estiqor, Di Lorentso, Zyelinski (Traore, 68), Lobotka (Lindstrem, 90+3), Zambo Angissa, Kvaratsxeliya, Politano (Raspadori, 67), Osimhen.
Bolonya – İnter 0:1
Bissek, 37. (30000)
İnter: Zommer, A.Bastoni, Açerbi, Bissek, Auqusto (Dyumfris, 46), Darmian, Mxitaryan (Asllani, 61), Çalhanoğlu (Frattezi, 61), Barella (Klassen, 80), Sançes, Türam (Arnautoviç, 66).
Milan – Empoli 1:0
Pulişiç, 41. (70343)
Milan: Menyan, Ernandes, Tomori (Kalulu, 63), Tiav, Kalabriya, Reynders (Musa, 62), Bennaser, Okafor (Adli, 90), Loftus-Çik, Pulişiç (Çukvueze, 63), Yoviç (Jiru, 73).
Yuventus – Atalanta 2:2
Kambyaso, 66. Milik, 70 - Koopmeyners, 35; 75. (39206)
Yuventus: Şçensnı, Danilo, Bremer, Qatti, Aylinq-Cunior (Aleks Sandro, 82), Kambyaso (Vea, 83), Lokatelli, Miretti (Nikolussi-Kavilya, 76), Makkenni (Yıldız, 88), Kyeza, Milik (Ken, 76).
Atalanta: Karnesekki, Skalvini (Toloy, 67), Hin, Cimşiti, Rucceri (Bakker, 88), Ederson, Zappakosta (Hatebur, 67), Paşaliç, Koopmeyners, De Ketelare (Mirançuk, 88), Skamakka (Lukmen, 57).
Fiorentina – Roma 2:2
Ranyeri, 18. Mandraqora, 69 – Auar, 58. Lyorente, 90+5. (30438)
Fiorentina: Terraçano, Biraqi, Ranyeri, Milenkoviç, Kayode, Mandraqora (Artur, 90+2), Bonaventura, Lopes (Nzola, 90+2), Sottil (Dunkan, 78), Qonsales (İkone, 46), Belotti (Barak, 90+2).
Roma: Svilar, Anxelinyo (Sinatsola, 80), Ndika, Lyorente, Mançini (Höysen, 33), Auar, Paredes (Lorentso Pelleqrini, 80), Kristante, Əl-Şaaravi (Zalevski, 73), Dibala (Baldantsi, 73), Lukaku.
Sassuolo – Frozinone 1:0
Torstvedt, 58. (10000)
Kalyari – Salernitana 4:2
Lapadula, 12. Qaetano, 40. Şomurodov, 51; 76 – Kastanos, 56. Maccore, 58. (16500)
Cenoa – Montsa 2:3
Qudmundsson, 52. Vitinya, 68 – Pessina, 8. Mota, 18. Maldini, 80. (31000)
Leççe – Verona 0:1
Folorunşo, 17. (25222)
Latsio – Udineze 1:2
Qyannnetti, 49 – öz qapısına. – Lukka, 47. Zarraqa, 51.
1. İnter 28 24 3 1 70-13 75
2. Milan 28 18 5 5 52-32 59
3. Yuventus 28 17 7 4 44-23 58
4. Bolonya 28 14 9 5 41-25 51
5. Roma 28 14 6 8 54-35 48
6. Atalanta 28 14 5 9 51-32 47
7. Napoli 28 12 8 8 43-32 44
8. Fiorentina 28 12 7 9 41-32 43
9. Latsio 28 12 4 12 33-31 40
10. Montsa 28 10 9 9 31-36 39
11. Torino 28 9 11 8 26-26 38
12. Cenoa 28 8 9 11 31-36 33
13. Udineze 28 4 15 9 28-42 27
14. Verona 28 6 8 14 25-36 26
15. Kalyari 28 6 8 14 29-49 26
16. Leççe 28 5 10 13 25-45 25
17. Empoli 28 6 7 15 22-42 25
18. 18. Frozinone 28 6 6 16 35-57 24
19. Sassuolo 28 6 5 17 33-55 23
20. Salernitana 28 2 8 18 23-58 14
Bombardirlər: Lautaro Martines (İnter) - 23, Vlahoviç (Yuventus) - 15, Dibala (Roma), Jiru (Milan) - 12.
Növbəti turun oyunları martın 15-17-si aralığında keçiriləcək: Empoli – Bolonya, Udineze – Torino, Montsa - Kalyari, Salernitana - Leççe, Frozinone – Latsio, Yuventus – Cenoa, Verona – Milan, Roma – Sassuolo, Atalanta - Fiorentina, İnter - Napoli.