A seriyasının 31-ci turunda gözlər paytaxtdakı matça yönəlmişdi.

"Football-plus.az" Xəbər verir ki, son vaxtlar derbidə qələbəyə həsrət qalan “Roma” axır ki əzəli rəqibi “Latsio”ya qalib gələ bildi.

Tura 2-ci yerdə başlayan “Milan” evdə “Leççe”dən maksimum xal almaqda elə də çətinlik çəkmədi. Meydan sahibləri ilk bir saat ərzində vurduqları 3 cavabsız qolla qalib gəldilər. Qaliblərin işini Krstoviçin asanlaşdırdığını da qeyd edək. Monteneqrolu hücumçu fasiləyə az qalmış qırmızı vərəqə almaqla komandasının sonda böyük hesabla uduzmasında “rol oynadı”. Bütün turnirlərdə qazanılan ardıcıl 7-ci qələbə “Milan”ın turnir cədvəlindəki mövqeyini möhkəmləndirdi.

Amma lombardiyalıların əsas izləyicisi ilə 6 xal fərqi dəyişmədi. Nəhayət, “Yuventus” çempionatdakı 4 oyunluq qələbəsizliyə son qoydu. Turinlilər bu mövsüm “Fiorentina”nı yenə minimal hesabla məğlub etdilər. Onların bəxtindən əsas izləyicisi qələbə qazana bilmədi. Gözünü Çempionlar Liqasına (ÇL) sonuncu vəsiqəni verən 4-cü yerə dikən “Bolonya” səfərdə “Frozinone” ilə qolsuz “sülh”ə razılaşdı. Tyaqo Mottanın komandası iki xal itirməsinə baxmayaraq, mövqeyini əldən vermədi.

Amma indi “Roma” ilə aradakı xal fərqi 3-ə bərabərdi. “Canavarlar” paytaxt derbisində azarkeşlərini qələbə ilə sevindirdilər. “Latsio” ilə oyunun ilk hissəsində daha çox hücum edən “Roma” istəyinə fasilə ərəfəsində çatdı: Mançini Dibalanın ötürməsini başı ilə tamamladı. İkinci hissədə də mənzərə dəyişmədi. Daha çox və təhlükəli hücumlar quran “Roma” qələbəyə layiq idi. “Sarı-qırmızılar” Daniele De Rossinin baş məşqçi vəzifəsinə təyinatından sonra A seriyasında keçirdikləri 11-ci oyunda 8-ci qələbəni qazandılar. Yeni çalışdırıcı ilə yalnız bir dəfə, “İnter”ə uduzan “Roma” inamla ÇL-ə can atır.
Nəhayət, “Napoli” də qələbəsizliyə son qoydu. Əvvəlki 3 oyunda 2 xal qazanan İtaliyanın son çempionu Montsada eyniadlı rəqibini 4:2 hesabıyla üstələdi. Neapollular hələ də “ÇL zonası”dan uzaqdadılar.

31-ci tur
Milan – Leççe 3:0
Pulişiç, 6. Jiru, 20. Leao, 57. (71576)
Milan: Menyan, Ernandes (F.Terraçano, 83), Tomori, Qabbya (Kyaer, 61), Kalabriya, Reynders (Bennaser, 78), Adli, Leao, Çukvieze, Pulişiç (Musa, 63), Jiru (Yoviç, 62).
Roma – Latsio 1:0
Mançini, 42. (64513)
Roma: Svilar, Anxelinyo (Smollinq, 80), Lyorente, Mançini, Çelik, Paredes (Bove, 81), Kristante, Lorentso Pelleqrini, Əl-Şaaravi (Spinatsola, 71), Dibala (Abraham, 80), Lukaku.
Latsio: Mandas, Qila, Romanyoli (Patrik, 60), Kazale, Vesino (Luis Alberto, 70), Maruşiç (Luka Pelleqrini, 80), Genduzi, Kamada, Felipe Anderson, İsaksen (Pedro, 46), İmmobile (Kastelyanos, 46).
Montsa – Napoli 2:4
Curiç, 9. Kolpani, 62 – Osimhen, 55. Politano, 57. Zyelinski, 61. Raspadori, 68.
Napoli: Meret, Juan Jezus, Rrahmani, Olivera (Ruy, 80), Di Lorentso, Zyelinski (Kayuste, 68), Lobotka, Zambo Angissa, Kvaratsxeliya (Raspadori, 68), Nqonq (Politano, 55), Osimhen.
Kalyari – Atalanta 2:1
Ocello, 42. Viola, 88 – Skamakka, 13.
Atalanta: Karnesekki, Kolaşinats, Cimşiti, Toloy, Zappakosta (Holm, 67), Ederson, De Roon, Hatebur (Bakker, 46/Rucceri, 86), Koopmeyners (Ture, 55), Lukmen, Skamakka (De Ketelare, 55).
Yuventus – Fiorentina 1:0
Qatti, 21. (37994)
Yuventus: Şçensnı, Danilo, Bremer, Qatti, Kostiç (Aylinq-Cunior, 59), Lokatelli, Rabyo, Kambyaso (Alkaras, 75), Makkenni, Kyeza (Yıldız, 59), Vlahoviç (Ken, 86).
Fiorentina: P.Terraçano, Biraqi, Ranyeri, Milenkoviç, Kayode (Dodo, 84), Mandraqora (Sottil, 46), Bonaventura, Kuame (Nzola, 61), Barak (Beltran, 61), Qonsales, Belotti (Lopes, 46).
Salernitana – Sassuolo 2:2
Kandreva, 52-p. Maccore, 90+1 – Loryante, 37. Bayrami, 44. (10945)
Empoli – Torino 3:2
Kambyaqi, 6. Kançelyeri, 74. Nyanq, 90+4 – Sapata, 60; 90+1.
Frozinone – Bolonya 0:0
Verona – Cenoa 1:2
Bonatsoli, 8 – Ekuban, 45. Qudmundsson, 58.
Udineze – İnter 1:2
Samarciç, 40 - Çalxanoğlu, 55-p. Frattezi, 90+5.
1. İnter 31 26 4 1 75-15 82
2. Milan 31 21 5 5 60-34 68
3. Yuventus 31 18 8 5 45-24 62
4. Bolonya 31 16 10 5 45-25 58
5. Roma 31 16 7 8 56-35 55
6. Atalanta 30 15 5 10 55-34 50
7. Napoli 31 13 9 9 48-38 48
8. Latsio 31 14 4 13 37-34 46
9. Torino 31 11 11 9 31-29 44
10. Fiorentina 30 12 7 11 42-35 43
11. Montsa 31 11 9 11 34-41 42
12. Cenoa 31 9 11 11 34-38 38
13. Kalyari 31 7 9 15 32-52 30
14. Leççe 31 6 11 14 26-48 29
15. Udineze 30 4 16 10 29-45 28
16. Empoli 31 7 7 17 25-47 28
17. Verona 31 6 9 16 28-42 27
18. Frozinone 31 6 8 17 38-61 26
19. Sassuolo 31 6 7 18 36-59 25
20. Salernitana 31 2 9 20 25-64 15
Bombardirlər: Lautaro Martines (İnter) - 23, Vlahoviç (Yuventus) - 15, Jiru (Milan) – 13, Dibala (Roma) -12.
Növbəti turun oyunları aprelin 12-15-i aralığında keçiriləcək: Latsio – Salernitana, Leççe – Empoli, Torino – Yuventus, Bolonya - Montsa, Napoli - Frozinone, Sassuolo - Milan, Udineze - Roma, İnter – Kalyari, Fiorentina - Cenoa, Atalanta - Verona.

Turun rəqəmi
3 – nəhayət, “Roma” ölkə çempionatında “Latsio”nu məğlub etdi. “Canavarlar” A seriyasında iki ildən sonra əzəli rəqibdən maksimum xal aldılar. Bununla da derbidəki 3 oyunluq qələbəsizliyə (2 heç-heçə, 1 məğlubiyyət) və qolsuzluğa son qoydular.

Turun ulduzu
Canluka Mançini (Roma) - komandasının derbidə maksimum xal qazanmasında böyük rol oynadı. Məhz onun vurduğu qol “Latsio” üzərində qələbəni təmin etdi. 27 yaşlı müdafiəçi arxa xətdə inamlı oyunu ilə də “Roma”ya faydalı oldu.

Turun sitatı
Daniele De Rossi, “Roma”nın baş məşqçisi: