Yayda “Çelsi”də yenə kütləvi yerdəyişmələr gözlənilir.

Rəhbərlik mövsümün sonunda birdən-birə 11 futbolçu ilə yolları ayırmaq niyyətindədi. “Football London”un məlumatına görə, komandadan ayrılacaq oyuçular arasında yarımmüdafiəçi Konor Qallaher və mövsümün ikinci hissəsində icarə əsasında “Fulhem”ə keçən hücumçu Armando Broya da var.

Paytaxt klubu yeni oyunçular almaq üçün futbolçuların satışından yüksək məbləğdə qazanc əldə etməyi planlaşdırır. Rəhbərlik həmçinin “maliyyə feyr-pleyi” qaydalarını pozmamaq üçün əməkhaqqı hesablarına ciddi nəzarət etməyi vacib sayır. Əks-halda klub sanksiyalara məruz qala bilər.