“Barselona” rəhbərliyi yay transfer əməliyyatları ilə bağlı plan hazırlayıb.

"Football-plus.az" xəbər verir ki, İspaniya klubu yayda 120 milyon avrodan çox qazanmağı planlaşdırır.

Rəhbərlik növbəti mövsümün əvvəlinə qədər La Liqanın maliyyə qaydalarına uyğunlaşmaq üçün bu məbləğə ümid edir. Bu səbəbdən klub hazırda icarədə olan, demək olar ki, bütün oyunçularını satmağa hazırdı.

Bu mənada yeganə istisna “Osasuna”da icarə əsasında oynayan yarımmüdafiəçi Abde Ezzalzulidi. Amma icarə əsasında oynayan futbolçuların satışından əldə olunacaq vəsait kifayət etməyəcək. Bu səbəbdən “Barselona” hazırkı heyətin oyunçularından bəzilərini də satmağa hazırdı.

Rəhbərlik heç bir şəraitdə satılmayacaq bir neçə oyunçunu da müəyyən edib. Onlar Pedri, Qavi, Ronald Arauxo və  Frenki de Yonqdu.