Yayda “Çelsi”də ciddi dəyişikliklər baş verəcək.

"Football-plus.az" xəbər verir ki, rəhbərliyin 7 futbolçunu satacağını “The Telegraph” qəzeti xəbər verib. Klub İngiltərə Premyer-Liqasının müəyyən etdiyi transfer limitinə əməl etmək üçün belə addım atacaq. London klubu 100 milyon funt sterlinq (117 milyon avro) məbləğində oyunçu satmalıdı. Rəhbərlik hücumçular Romelu Lukaku və Armando Broya, müdafiəçilər Yan Matsen, Mark Kukurelya, Lyuis Holl, Trevo Çaloba və yarımmüdafiəçi Konor Qallaherlə yolları ayırmağı planlaşdırır.

Xatırladaq ki, bir müddət əvvəl mətbuatda “Çelsi”nin yayda bəzi mövqelərini gücləndirməyi hədəflədiyi barədə məlumatlar yayılmışdı.