Diniyev Ağabalaya görə futbolçulara tapşırıq verdi – şad xəbəri isə özü açıqladı
“Səbail"in kapitanı Ağabala Ramazanov 12-ci turun "Turan Tovuz"la ev oyunundan – noyabrın 3-dən bəri yaşıl meydana həsrətdi.
O, həmin matçda rəqib müdafiəçi Faiq Hacıyevlə mübarizə zamanı başından və çənəsindən zərbə almışdı. Futbolçunun son durumu və yaşıl meydanlara nə vaxt qayıdacağı haqda “dənizçilər”in baş məşqçisi Şahin Diniyevdən məlumat aldıq. Onun “Football-plus.az”a söylədikləri:
“Bilindiyi kimi, Ağabala bir müddət idi fərdi məşqlər edirdi. Komandayla birgə hazırlıq prosesinə cəlb edilib. İndiki durumda ehtiyatlı olmalıyıq. Futbolçulara tapşırmışıq ki, ona qarşı aqressiv olmasınlar. Ümumiyyətlə, təmasdan nə qədər uzaq olsa, o qədər yaxşıdı. 5 aydı yaşıl meydandan kənardadı. Əlbəttə, hələ hazır deyil. Bir neçə həftə sonra keçiriləcək oyunlardan birində meydana çıxa bilər. O vaxta qədər məşq edəcək”.
KƏNAN BAHADIR
Digər xəbərlər
