Məlum olduğu kimi Türkiyə Futbol Federasiyasının nəzdində fəaliyyət göstərən Nizam-İntizam Komitəsi Trabzonda yaşanan olaylara görə ''Trabzonspor''un stadionuna 6 oyunluq cəza vermişdisə, ''Fənərbaxça''nın iki üzvü - Ceyden Oostervolde ilə İrfan Can Eğribayatın hərəsi 1 oyunluq cəza almışdı.

Hər iki klub bu cəzalardan apellyasiya vermişdi. Apellyasiya Komitəsinin də qərarı bəlli olub. Oostervolde ilə qapıçı Eğribayatın 1 oyunluq cəzası qüvvədə saxlanılıb. Bu futbolçular növbəti tur ''Fatih Karagümrük''ə qarşı ev oyununu buraxmalı olacaqlar. Amma ''Trabzonspor'' qismən də olsa, istəyinə çatıb. Belə ki, bu komandanın stadionuna verilmiş 6 oyunluq cəza 4 oyuna endirilib.

Bundan başqa bu kluba verilən 3 milyon lirə para cəzası da 448 min lirəyə endirilib. Bu mövsümün sonuna qədər qaradənizlilərin məhz elə 4 ev oyunu qalıb. Yəni ''Trabzonspor'' mövsümün sonuna qədər bütün ev oyunlarını boş tribunalar önündə keçirməli olacaq.

ƏLİ