Ötən həftəsonu Türkiyə çempionatının 30-cu turu çərçivəsində oynanılan ''Trabzonspor'' - ''Fənərbaxça'' matçının ardından yaşanan qalmaqal ilə bağlı hələ də heç kimin Nizam-İntizam Komitəsinə sövq edilməməsi diqqət çəkir.

Adətən sövqlər tur başa çatdıqdan 2-3 gün sonra açıqlanır. Amma indi həm yığma fasiləsi olduğundan, həm də sözügedən matçdakı qalmaqala aid çox detallar olduğundan sövqlər gələn həftə açıqlanacaq. Oyundan sonra həbs olunan 13 ''Trabzonspor'' fanatından 6-sı xüsusi şərtlərlə sərbəst buraxılıb. Sual doğuran iki əsas məqam var. Birinci məqam ''Trabzonspor''un stadionunun neçə oyunluq cəza alacağı ilə bağlıdı. İkinci sual doğuran məqam isə tribunadan meydana adlayan yerli fanatlarla əlbəyaxa olan ''Fənərbaxça'' futbolçularının cəza alıb-almayacağıdı. Bəzi mənbələr iddia edir ki, ''Fənər''in 4 futbolçusu - Oostervolde, Osayi-Samuel, Batşuayi və İrfan Can Eğribayat Nik-ə sövq ediləcək. Rəhbərlik isə indidən buna qarşı tədbir görməyə hazırlaşır. ''Fənər'' rəhbərliyi oyunboyu təxribatla üzləşən və sonra da fanatlarla əlbəyaxa olan bu futbolçuların sadəcə özlərini qorumaq məqsədi ilə bunu etdiklərini güclü dəlillərlə sübut etməyə çalışacaq.

ƏLİ