“Edmonton”un hücumçusu Konnor Makdevid srağagün “Sent-Luis”lə oyunda məhsuldar ötürmə verdi.

"Football-plus.az" xəbər verir ki, kanadalı cari mövsümdəki belə ötürmələrinin sayını 97-yə çatdırdı. Bu isə 21-ci əsrin rekordudu. Sonuncu dəfə Adam Outs 1992/93 mövsümündə bu qədər ötürmə verib. Makdevid 126 (29+97) xalla bombardilər cədvəlinin 3-cü pilləsində qərarlaşıb. Həmin cədvələ Natan Makkinnon (127 – 47+80) və Nikita Kuçerov (127 – 42+85) başçılıq edir.

“Pittsburq”un hücumçusu Sidni Krosbi isə “Reyncers”lə oyunda 3 (2+1) xalla yadda qaldı. Kanadalı cari mövsümdə keçirdiyi 74 oyunda 82 (37+45) xal toplayıb. Bununla da Krosbinin müntəzəm çempionatı hər oyuna orta hesabla 1 və daha artıq xalla başa vuracağı dəqiqləşib. Əfsanəvi forvard ardıcıl 19-cu mövsümdə belə nəticə göstərir. Bu seriya onun karyerasının əvvəlindən bəri davam edir. Krosbi belə mövsümlərin sayına görə Ueyn Qretskiyə məxsus olan MHL rekordunu təkrarladı.

“Toronto”nun forvardı Oston Mettyus “Florida” ilə oyunda fərqləndi. Cari mövsümdə 61-ci qolunu vuran 26 yaşlı amerikalı müntəzəm çempionatda qol sayına görə şəxsi və klub rekordunu yenilədi. O, 2021/22 mövsümündə 60 qol vurmuşdu. Mettyus cari mövsümdə keçirdiyi 73 oyunda 96 (61+35) xal toplayıb.

2 aprel
Kolambus – Kolorado 4:1 (0:0, 3:0, 1:1)
Reyncers – Pittsburq 2:5 (0:2, 0:0, 2:3)
Tampa-Bey – Detroyt 2:4 (0:0, 1:1, 1:3)
Toronto – Florida 6:4 (2:0, 3:1, 1:3)
Filadelfiya – Aylenders 3:4 ОТ (1:2, 1:1, 1:0, 0:1)
Vinnipeq – Los-Anceles 4:3 (1:1, 2:2, 1:0)
Sent-Luis – Edmonton 3:2 ОТ (0:1, 1:0, 1:1, 1:0)
San-Xose – Sietl 2:4 (1:3, 1:0, 0:1)
3 aprel
Baffalo – Vaşinqton 6:2 (2:1, 1:1, 3:0)
Monreal – Florida 5:3 (1:2, 2:0, 2:1)
Nyu-Cersi – Pittsburq 3:6 (1:1, 2:0, 0:5)
Aylenders – Çikaqo 2:1 (0:1, 0:0, 2:0)
Minnesota – Ottava 3:2 (1:0, 1:1, 1:1)
Neşvill – Boston 0:3 (0:0, 0:0, 0:3)
Kalqari – Anahaym 3:5 (0:1, 2:1, 1:3)
Veqas – Vankuver 6:3 (4:1, 1:1, 1:1)