“Edmonton”un hücumçusu Konnor Makdevid MHL-də ötən mövsüm müəyyənləşdirdiyi şəxsi rekordunu təkrarladı.

27 yaşlı kanadalı ötən şənbə “Minnesota” ilə ev oyununda iki məhsuldar ötürmə verdi. Beləcə Makdevid evdə məshuldarlıq seriyasını 21 oyuna çatdırdı. Hücumçu ötən mövsüm də bunu bacarmışdı. Makdevid cari mövsümdə keçirdiyi 53 oyunda 89 (21+68) xal toplayıb.

Başqa seçilən hokkeyçilər də var. “Kolorado”nun hücumçusu Neytan Makkinnon “Toronto” ilə oyunda üç məhsuldar ötürmə verdi. Forvard evdə məhsuldarlıq seriyasını 28 oyuna çatdırdı. Bu, MHL tarixinin ən uzun 6-cı seriyasıdı. Ev oyunlarında məhsuldarlıq seriyasında rekord əfsanəvi Ueyn Qretskiyə məxsusdu. Kanadalı 1988/89 mövsümündə ardıcıl 40 ev oyununda xal toplayıb.

Aleksandr Oveçkindən də xəbər var. “Vaşinqton”un hücumçusu bu komandanın heyətində MHL-də 1400-cü oyununu keçirdi. 38 yaşlı rusiyalının məshuldar oyunlar seriyası 10-da dayandı. O, bir komandanın heyətində keçirdiyi oyun sayına görə MHL tarixində 10-cu yerə çıxdı. Bu göstəricidə rekord Qordi Houya (“Detroyt”, 1687) məxsusdu. Oveçkin həmçinin MHL tarixində 1400 oyun həddinə çatan ilk rusiyalı oldu.
Srağagün “Filadelfiya”nı məğlub edən “Reyncers” ardıcıl 10-cu qələbəsini qazanmaqla klub rekordunu təkrarladı. Komanda buna qədər iki dəfə - 1939/40 və 1972/73 mövsümlərində 10 oyunluq qələbə seriyası yaxalayıb. Nyu-York təmsilçisi hazırda 81 xalla Şərq konfransının turnir cədvəlinə başçılıq edir.

24 fevral
Kolambus – Baffalo 1:2 (1:1, 0:0, 0:1)
Çikaqo – Vinnipeq 2:3 ОТ (0:1, 1:1, 1:0, 0:1)
Edmonton – Minnesota 2:4 (0:1, 1:0, 1:3)
Detroyt – Sent-Luis 6:1 (4:0, 2:1, 0:0)
Aylenders – Tampa-Bey 2:4 (0:2, 0:1, 2:1)
Nyu-Cersi – Monreal 4:3 (0:0, 2:2, 2:1)
Filadelfiya – Reyncers 1:2 (0:0, 0:1, 1:1)

25 fevral
Florida – Vaşinqton 3:2 ОТ (0:0, 1:1, 1:1, 1:0)
Vankuver – Boston 3:2 ОТ (0:0, 0:2, 2:0, 1:0)
Kolorado – Toronto 3:4 (2:1, 0:2, 1:1)
Ottava – Veqas 4:3 Б (0:1, 2:1, 1:1, 0:0, 1:0)
Karolina – Dallas 1:2 (0:1, 1:1, 0:0)
San-Xose – Neşvill 2:4 (0:1, 0:1, 2:2)
Sietl – Minnesota 2:5 (1:2, 0:3, 1:0)
Edmonton – Kalqari 3:6 (1:3, 1:2, 1:1)
Los-Anceles – Anahaym 3:2 Б (1:1, 1:1, 0:0, 0:0, 1:0)
Nyu-Cersi – Tampa-Bey 1:4 (0:0, 1:2, 0:2)

26 fevral
Pittsburq – Filadelfiya 7:6 (2:1, 2:3, 3:2)
Baffalo – Karolina 3:2 Б (0:1, 1:0, 1:1, 0:0, 1:0)
Viinipeq – Arizona 4:3 ОТ (3:1, 0:1, 0:1, 1:0)
Kolambus – Reyncers 4:2 (1:1, 3:1, 0:0)
Çikaqo – Detroyt 2:3 ОТ (0:1, 2:0, 0:1, 0:1)
Anahaym – Neşvill 2:4 (0:0, 1:1, 1:3)