Dünən Türkiyənin 1-ci liqasında 28-ci turun oyunları keçirildi.

İnamla turnir cədvəlinə başçılıq edən ''Eyupspor'' özü üçün mövsümün qalan hissəsini formallığa çevirməyə yaxın idi. Autsayderlər sırasında olan ''Adanaspor''un qonağı olan Arda Turanın komandası qalib gələcəyi təqdirdə tarixində ilk dəfə superliqaya vəsiqəni təmin edəcəkdi. Belə ki, qələbə təqdirində sona 6 tur qalmış ''Eyupspor''un 3-cü pillə ilə xal fərqi 18-ə yüksələcəkdi. 1-ci liqada ilk iki pilləni tutan kollektivlər birbaşa elitaya vəsiqə qazanır. Amma Adanada böyük bir sürpriz qeydə alındı. Hətta meydan sahiblərinin 17-ci dəqiqədən etibarən azlıqda qalması da qonaqların işinə yaramadı. 1:0 hesabı ilə qalib gələn ''Adanaspor'' iddialı rəqibinə mövsümdəki 6-cı məğlubiyyəti yaşatdı. Yəni Ardanın komandası superliqaya vəsiqənin rəsmiləşdirilməsini bir turluq təxirə salmalı oldu. Qeyd edək ki, bu, Ardanın baş məşqçi kimi ilk təcrübəsidi. O, bu klubu ötən ilin aprelindən çalışdırır.

ƏLİ