Arda Turandan möhtəşəm cavab

Arda Turanın çalışdırdığı 1-ci liqa təmsilçisi ''Eyupspor'' yeni mövsümə əla başlayıb.

“Football-plus.az” xəbər verir ki, güclü heyət quran və superliqaya yüksəlməyə əsas namizəd sayılan ''Eyupspor'' yeni mövsümün ilk 3 oyunundan maksimum nəticə ilə ayrılıb. Komandanın bu 3 qarşılaşmadakı top fərqi də diqqət çəkir - 7:0. Xatırladaq ki, Arda ''Eyupspor''un başına ötən mövsümün sonlarında keçmişdi. O, komandanı pley-offa daşısa da, elitaya yüksəldə bilməmişdi. Bu arada dünən ''Eyupspor''un növbəti qələbəsinə həsr olunmuş paylaşımda bir futbolsevər Ardanın məşqçilik qabiliyyətinə şübhə ilə yanaşaraq bunları yazdı: ''Ardanın həqiqətən də ''Eyupspor''dan ''Atletiko''ya qədər yüksələcəyinə inanan varmı?'' Maraqlıdı ki, onun şərhinə Arda özü bu cür cavab yazdı: ''Mənim Manisada oynayarkən də ''Barselona''ya qədər yüksələ biləcəyimi düşünən yox idi. Artıq belə şeylərə alışmışam''. 36 yaşlı gənc mütəxəssisin verdiyi cavab böyük marağa səbəb oldu.