“Baş məşqçi olmaq futbolçu olmaqdan daha çətindi. Futbolçu ikən daha sərbəst olursan. Baş məşqçi kimi üzərində məsuliyyət daha çox olur. Çünki bütün komandaya xidmət edirsən. Amma ikisinin də yaxşı və pis tərəfləri var.

“Eyupspor”un elitaya yüksəlmək şansının azaldığını düşünmürəm. Mən gəldiyim dönəmdə şansımız nə qədər idisə, indi də o qədərdi. Yaxşı oynayırıq. Daha da yaxşı olacaq. Mənim üçün oyunun keyfiyyəti önəmlidi. Ötürmə sayımızı artırmalıyıq. Bunun üçün bir qədər vaxta ehtiyacımız var. Bu baxımdan pley-offa qədər olan dönəmi yaxşı dəyərləndirməyə çalışacağıq. 1-ci liqada şərtlər superliqadakından bir qədər fərqlənir. Azarkeş amili futbolda çox önəmlidi. 1-ci liqada da insanları stadionlara cəlb etməliyik.

Məsələn, debüt oyunumda “Göztəpə”yə məğlub olsaq da, atmosfer çox xoşuma gəlmişdi. İzmirdə azarkeşlər mükəmməl idi. Məncə, biz daha çox işin futbol tərəfinə yönəlməliyik. Demək olar, başçılığı altında oynadığım bütün məşqçilər zəng vuraraq təbrik etdilər. Domenek Torrentdən tutmuş Dieqo Simeoneyə qədər bir çoxları təbrik mesajı yazdı. Fatih Terimlə daha tez-tez ünsiyyət qururam. O, bizim üçün həmişə ata kimidi. İşlər hələ ki qaydasında gedir. Qalib gələ bilməməyimizi şişirtməyə dəyməz. Oyunun keyfiyyətini yaxşılaşdırsaq, qələbələr də gələcək”.