''Fənərbaxça'' rəhbərliyi dünən axşam saatlarında başıbəlalı superkubok oyunu ilə bağlı nəhayət, yekun qərarını verdi.

Rəhbərlik iki mühüm qərar qəbul edib. Birincisi, aprelin 7-də Şanlıurfada ''Qalatasaray''a qarşı oyunda meydana ''Fənər''in U-19 komandası çıxacaq. İkincisi, ''sarı-lacivərdlilər'' qarşıdakı 2 mövsümdə Türkiyə kubokuna qatılmayacaqlar! Bunu komandanın başqan vəkili Erol Bilecik açıqlayıb. Onun ''superkubok 90 dəqiqə davam etməyəcək'' ifadəsi də diqqət çəkib. Belə ehtimal var ki, ''Fənər''in U-19 komandası superkubokda start fitindən bir müddət sonra meydandan çəkiləcək. Amma İstanbul nəhəngi bütün bunların yaşanmaması üçün hər ehtimala qarşı superkubokun başqa tarixə keçirilməsi üçün sonuncu dəfə federasiyaya müraciət ünvanlayıb. ''Fənər'' aprelin 11-də Konfrans Liqasının 1/4 finalının ilk oyununda səfərdə ''Olimpiakos''a qarşı görüşə daha yaxşı hazırlaşa bilmək üçün aprelin 7-nə təyin edilən superkubokun təxirə salınmasını tələb edir.

ƏLİ