Məlum olduğu kimi ''Fənərbaxça'' Konfrans Liqasının 1/4 finalında Yunanıstan nəhəngi ''Olimpiakos''la qarşılaşacaq.

İlk oyun aprelin 11-də Pireydə, cavab oyunu aprelin 18-də İstanbulda oynanılacaq. Aprelin 7-də ''Fənər''in daha bir vacib oyunu var. Həmin tarixdə Şanlıurfada ''Fənərbaxça'' ilə ''Qalatasaray'' arasında superkubok matçının oynanılması nəzərdə tutulub. Amma ''sarı-lacivərdlilər''in başqanı Əli Koç son mətbuat konfransında vurğuladı ki, ''Olimpiakos''la oyuna daha yaxşı hazırlaşmaları üçün federasiyaya superkubok matçının irəli tarixə keçirilməsi üçün müraciət ediləcək.

Bu arada Yunanıstan Futbol Federasiyası da təqvimdə dəyişiklik etmək qərarına gəlib. Həm ''Olimpiakos'', həm də PAOK KL-də yoluna davam edir. Bu iki klub aprelin 14-də çempionluq pley-offunda üz-üzə gəlməli idi. Amma yerli federasiya hər iki klubun avrokubok matçlarına daha rahat hazırlaşması üçün həmin oyunu irəli bir tarixə keçirmək qərarına gəlib. Amma ''Olimpiakos''un aprelin 7-də ''Lamia''ya qarşı keçirməli olduğu oyun qüvvədə saxlanılıb. Yəni həmin tarixdə pireylilər meydana çıxacaq və bundan 4 gün sonra da ''Fənər''ə qarşı oyun keçirəcəklər. Amma digər tərəfdən İstanbul nəhəngi aprelin 7-dəki oyununu, yəni superkubokun təxirə salınmasını istəyir. Federasiya hələ ki, ''Fənər''in bu tələbinə heç bir cavab verməyib.

ƏLİ