Oyunçusu ilə münasibətdə olan məşqçi qovuldu!
İngiltərə təmsilçisi ''Lester''in qadınlardan ibarət komandasında yaşanan qalmaqal istefa ilə nəticələnib.
Məsələ burasındadı ki, baş məşqçi Villi Kirkin oyunçulardan biri ilə eşq yaşadığı haqda iddialar peyda olmuşdu. Rəhbərlik martın əvvəllərində daxili araşdırmaya başlamış və məşqçi müvəqqəti olaraq səlahiyyətlərini icra etməkdən məhrum edilmişdi. O, ''Lester''in son 3 oyununda komandanın başında yer almamışdı. Araşdırma dünən başa çatdı. Klubun rəsmi bəyanatında bunlar qeyd olunub:
''Villi Kirkin qadınlardan ibarət komandamızın baş məşqçisi vəzifəsindən azad edildiyini təsdiqləyirik. Tərəflərdən hər birinin şəxsi həyatına dair gizlilik prinsipinin qorunması şərti ilə aparılan genişmiqyaslı araşdırmadan sonra Villi Kirkin klubun daxili intizam qaydalarını pozması faktı sübuta yetirilib''. 45 yaşlı Kirk 2022-nin noyabrından bu vəzifəni icra edirdi. Yeni məşqçi tapılana qədər ''tülkülər''in qadınlardan ibarət komandasını Cennifer Foster çalışdıracaq və ona Stiven Kirbi yardım edəcək.
ƏLİ
Digər xəbərlər
