“Barselona”nın qadınlardan ibarət komandası da mövsümü çempion kimi bitirdi. Özü də xanımlar qələbə yolunda daha möhtəşəm rekordlar müəyyənləşdirib.

"Football-plus.az" xəbər verir ki, qadınlardan ibarət “Barsa” çempionatda keçirdiyi 29 oyunun 28-də qalib gəlib, birində heç-heçə edib. Xanımlar avrokuboklarda da möhtəşəmdi. Komanda Çempionlar Liqasının finalında “Volfsburq”la qarşılaşacaq. Klubun bütün tarixi ərzində qadınlardan və kişlərdən ibarət komanda yalnız üç dəfə eyni mövsümdə çempion olub.

Paradda 76 min adam iştirak etdi

Çempionluğun ertəsi gün, yəni bazar ertəsi “Barsa”nın kişilərdən və qadınlardan ibarət komandaları şəhər küçələrində parad keçirib. “Marca”nın polisə əsaslanaraq yaydığı xəbərə görə, paradda 76 min adam iştirak edib. Komandaları daşıyan avtobuslar “Nou Kamp”dan Zəfər arkasına qədər irəliləyib. Futbolçular azarkeşlərə şərflər və formalar atıb. “Blauqrana”nın çalışdırıcı Xavi fanatlarla bir neçə pivə bankasını bölüşüb. Frank Kessye və Robert Levandovski həvəslə rəqs vərdişlərini göstərib, Jül Kunde isə parada Usman Dembelenin futbolkasında qatılıb.

“Barsa”nın qadınlardan ibarət komandası ardıcıl 4-cü dəfə, kişilərdən ibarət komandası isə son 4 ildə ilk dəfə çempion olub.