"Dünən "Qəbələ" göstərdi ki, həqiqətən də çox yaxşı futbol oynaya bilir. Amma təəssüf ki, yaxşı oynamağa xal verilmir. Pis oyna, amma qələbə qazan. Ümid sonda ölür. Az da olsa, şansımız var. Ona görə də bacardığımız qədər komandaya dəstək oluruq. Qarşıdakı 3 turun ən azı ikisində qalib gəlsək, "Kəpəz" də məğlub olsa, hər şey dəyişə bilər. Hər şey çətin olsa da, ümidimizi itirmirik. Hazırda təsəllini əvəzedici komanda ilə tapırıq. Bu gün "Neftçi-2" ilə vacib oyunumuz var. Azarkeş qrupu olaraq, gedib dəstək olacağıq”.