"Qarabağ" növbəti mövsümlə bağlı planlarını həyata keçirməyə başlayıb.

"Football-plus.az" xəbər verir ki, Ağdam təmsilçisi heyətini portuqaliyalı futbolçuyla gücləndirmək niyyətindədi. Söhbət "Farense"nin hücumameyilli yarımmüdafiəçisi Rafael Barbozadan gedir. "Köhlən atlar" oyunçunu transfer etmək istəyir. Artıq bu yöndə ilkin addımlar atılıb.

Qeyd edək ki, Barbozanın Portuqaliya klubu ilə müqaviləsinin müddəti 2025-ci ilin iyununda başa çatır. O, cari mövsümdə komandasının heyətində 19 oyunda meydana çıxıb, 1 qol, 1 məhsuldar ötürmənin müəllifi olub. "Transfermarkt"ın məlumatına görə, 27 yaşlı futbolçunun dəyəri 500 min avrodu.

Xatırladaq ki, "Qarabağ" ötən mövsümün yay "transfer pəncərəsi"ndə bu futbolçunu almaq istəsə də, işlər yolunda getməmişdi.

KƏNAN BAHADIR