Avrokuboklarda çıxış etmək "Qarabağ"ın futbolçularının diqqət mərkəzinə düşməsinə səbəb olub. Artıq Ağdam təmsilçisinin 7 futbolçusu ilə əcnəbi klublar maraqlanır.

"Football-plus.az" xəbər verir ki, onlardan biri də Abdulla Zubirdi. Fransalı futbolçu ilə "Lill" maraqlanır. Liqa 1 təmsilçisi yay “transfer pəncərəsi”ndə ağdamlılarla təmasa keçmək niyyətindədi.

Fransalılar "köhlən atlar"la 2024-cü ilin iyununa kimi müqaviləsi olan 31 yaşlı vingeri müəyyən məbləğ qarşılığında transfer etmək istəyir.

Qeyd edək ki, Abdulla Zubir bu mövsüm "Qarabağ"ın heyətində 41 matçda meydanda olub. Mərakeş əsilli futbolçu bu oyunlarda 7 qol vurub, 8 məhsuldar ötürmə verib.

İLKİN SULTANLI