“Nottinqem Forest”ə sanksiya veriləcək.

Komandanın İngiltərə premyer-liqasında qazandığı xallardan 4-ü silinəcək. “The Guardian” qəzetinin yaydığı məlumata görə, klub maliyyə qaydalarını pozduğuna görə cəzalanacaq. Qərarın bu gün rəsmən açıqlanacağı gözlənilir. İngiltərə lubu artıq apellyasiya şikayəti verməyə hazırlaşır.

“Nottingem Forest” hazırda 25 xalla premyer-liqada 17-ci yeri tutur. Komanda 4 xalının silinməsi ilə 18-ci yerə geriləyəcək.
Xatırladaq ki, İngiltərə çempionatında bu mövsümün əvvəlində “Everton”dan maliyyə qaydalarını pozduğuna görə 10 xal silinmişdi. Lakin apellyasiya şikayətindən sonra komandanın 4 xalı bərpa edilmişdi.