İngiltərə premyer-liqasında növbəti məşqçi istefası zərurətə çevrilib. “Nottingem Forest” Stiv Kuperlə yolları ayırıb.

“Football-plus.az” xəbər verir ki, klub saytının məlumatına görə, rəhbərliyin qərarına komandanın uğursuz çıxışı səbəb olub. “Nottingem Forest”
hazırda premyer-liqada 17 turdan sonra 14 xalla 17-ci yeri tutur. Uelsli mütəxəssis komandanı 2021-ci ilin sentyabrından çalışdırırdı.

Artıq Kuperin xələfinin kimliyi məlumdu. Nottingemliləri çətin vəziyyətdən Nunu Eşpiritu Santu çıxarmağa çalışacaq. Onunla bağlanan müqavilənin müddəti 2,5 illikdi. Sonuncu iş yeri “Əl-İttihad” olan portuqaliyalı mütəxəssis Səudiyyə Ərəbistanı klubundan noyabrın 8-də ayrılmışdı. 49 yaşlı çalışdırıcı İngiltərədə daha əvvəl “Tottenhem”ə və “Vulverhempton”a başçılıq edib.