Aleksandr Oveçkin müasir MHL-in simasını müəyyənləşdirən hokkeyçilərdən olmasa da, vurduğu qollarla hər dəfə ya rekord yeniləyir, ya da hansısa rekorda doğru addım atır.

"Football-plus.az" xəbər verir ki, “Vaşinqton”un rusiyalı ulduzu bazar günü “Vankuver”lə səfər oyununda komandasına qələbə qazandırdı. Karyerası boyunca 127-ci dəfə qələbə qolunu vuran Oveçkin bu göstəricidə MHL tarixində 2-ci yeri tutur. Turnirin rekordçusu isə 135 qolla Yaromir Yaqrdı. 3-cü yerdə 121 qələbə qolu ilə kanadalı Qordi Hou qərarlaşıb.

Cari mövsümdə 19-cu, MHL karyerasında 841-ci dəfə fərqlənən Oveçkin snayperlər siyahısında rekordçu Ueyn Qretskiyə yaxınlaşmaq yolunda daha bir addım atdı. Rusiyalı ulduz kanadalı əfsanənin rekordunu təkrarlamaq üçün daha 53 qol vurmalıdı.

Dünən keçirilən “Pittsburq” – “Detroyt” oyunu ilə bağlı maraqlı məqam var. Meydan sahiblərinin forvardı Sidni Krosbi bu oyunda 2 (1+1) xal topladı. Kanadalı hücumçu “pinqvinlər”in heyətində qol sayını 583-ə çatdırdı. Krosbi bir komandanın heyətində vurulan qol sayına görə əfsanəvi həmvətəni Ueyn Qretski ilə bərabərləşdi. Qretski də vaxtilə “Edmonton”un heyətində bu qədər qol vurub. Adı çəkilən hokkeyçilər bir komandanın heyətində qol sayına görə MHL tarixində 7-ci yeri bölüşür. Siyahının yuxarı pillələrində qərarlaşan hokkeyçilər isə bunlardı: Aleksandr Oveçkin (Vaşinqton - 841), Qordi Hou (Detroyt - 786), Stiv Ayzerman (Detroyt - 692), Mario Lemye (Pittsburq - 690), Co Sakik (Kvebek/Kolorado - 625), Bobbi Hall (Çikaqo - 604).

16 mart
Vinnipeq – Anahaym 6:0 (1:0, 1:0, 4:0)
Çikaqo – Los-Anceles 0:5 (0:4, 0:1, 0:0)
Aylenders – Ottava 3:4 ОТ (1:0, 1:1, 1:2, 0:1)
Detroyt – Baffalo 4:1 (0:1, 2:0, 2:0)
Pittsburq – Reyncers 4:7 (2:3, 1:2, 1:2)
17 mart
Arizona – Nyu-Cersi 4:1 (3:0, 0:1, 1:0)
Florida – Tampa-Bey 3:5 (0:2, 2:2, 1:1)
Boston – Filadelfiya 6:5 (1:1, 1:1, 4:3)
Kalqari – Monreal 5:2 (1:0, 2:2, 2:0)
Kolambus – San-Xose 4:2 (1:0, 2:1, 1:1)
Toronto – Karolina 4:5 Б (0:0, 3:2, 1:2, 0:0, 0:1)
Dallas – Los-Anceles 4:1 (3:0, 1:0, 0:1)
Sent-Luis – Minnesota 3:2 Б (0:0, 1:0, 1:2, 0:0, 1:0)
Vankuver – Vaşinqton 1:2 (1:0, 0:2, 0:0)
Sietl – Neşvill 1:4 (0:1, 0:0, 1:3)
Edmonton – Kolorado 2:3 ОТ (0:0, 0:1, 2:1, 0:1)
Reyncers – Aylenders 5:2 (0:1, 3:1, 2:0)
Veqas – Nyu-Cersi 3:1 (0:0, 0:0, 3:1)
18 mart
Kolambus – Vinnipeq 1:6 (0:1, 0:4, 1:1)
Ottava – Karolina 2:7 (1:1, 1:2, 0:4)
Pittsburq – Detroyt 6:3 (3:1, 2:1, 1:1)
Çikaqo – San-Xose 5:2 (0:2, 1:0, 4:0)
Sent-Luis – Anahaym 4:2 (0:1, 1:0, 3:1)