“Vaşinqton”un rusiyalı hücumçusu Aleksandr Oveçkin son günlərdə qol vura bilməsə də, başqa bir göstərici ilə yadda qaldı.

Football-plus.az xəbər verir ki, 37 yaşlı kapitan şənbə günü “Neşvill”ə qarşı oynadı.

MHL-də oyun sayını 1316-ya çatdıran Oveçkin bununla da Aleksey Kovalyovun rusiyalı hokkeyçilər üçün müəyyənləşdirdiyi rekordu təkrarladı. Ulduz hücumçu dünən “Kolambus”a qarşı da oynamaqla vahid rekordçu oldu. MHL tarixində oyun sayına görə 60-cı yerdə qərarlaşan Oveçkin özündən əvvəlki hokkeyçidən – kanadalı Gi Karbonnodan (1318) bir oyun geri qalır.

Bu göstəricidə MHL rekordçusu isə Patrik Marlodu. Kanadalı əfsanənin hesabında 1779 oyun var.